RMS Queen Mary 2

O Royal Mail Ship Queen Mary 2 é un transatlántico pertencente á compañía Cunard Line.^[1] Foi construído no estaleiro galo "Chantiers de l'Atlantique" en Saint-Nazaire en 2003,^[2] daquela propiedade de Alstom, cun custo superior a 800 millóns de dólares estadounidenses (550 millóns de libras esterlinas). É tamén o transatlántico máis grande, máis luxoso e caro construído na historia marítima.

RMS Queen Mary 2
O Queen Mary 2 amarrado no Peirao de Transatlánticos do Porto de Vigo en 2012.
Historial
Estaleiro	Alstom Chantiers de l'Atlantique, Saint-Nazaire, Francia Francia
Clase	Olympic
Tipo	transatlántico
Operador	Cunard Line[1]
Porto de rexistro	2004-2011: Southampton 2011-presente: Hamilton Bermudas
Autorizado	6 de novembro de 2000
Posta en grella	4 de xullo de 2002
Botado	25 de setembro de 2003
Asignado	12 de xaneiro de 2004
Destino	En servizo
Características xerais
Desprazamento	estándar: 76 000 t (aprox.) apc: 151 400 t de rexistro bruto
Eslora	345 m
Manga	liña de flotación: 41 m máxima:45 m nas ás da ponte
Calado	10 m
Calado aéreo	72 m
Cubertas	17
Aparello	CODLAG • 4 motores diésel Wärtsilä 16V 46C-CR • 2 turbinas de gas GE LM2500+ • 2 pods de 21,5 MW Rolls-Royce/Alstom "Mermaid" fijos • 2 pods de 21,5 MW Rolls-Royce/Alstom "Mermaid" acimutais; potencia = 117 MW (157 000 CV); velocidade = 30 nós (56 km/h)
Tripulación	1253 tripulantes
Capacidade	2620 pasaxeiros[2]
Esta nave pode virar 360º en 30 segundos cos seus fortes motores de empuxada frontais, e en tempos turbulentos no mar posúe 4 estabilizadores laterais que lle fornecen máis estabilidade incluso a navegar a toda marcha

O Queen Mary 2 está destinado para a ruta do Atlántico Norte, mais tamén é parcialmente utilizado para cruceiros. Botouse ao mar o 12 de xaneiro de 2004. Daquela era o barco de pasaxeiros maior do mundo, até o ano 2006, cando a empresa naval Royal Caribbean International lanzou ao mar o Freedom of the Seas, que malia ser 6 metros máis curto ca o Queen Mary 2, ten 15 metros máis de manga. Dende setembro de 2009, cando o Oasis of the Seas (tamén da empresa Royal Caribbean International) terminou de ser construído, o Queen Mary 2 pasou a ser o terceiro barco de pasaxeiros máis grande do mundo, aínda que segue a ser o transatlántico máis grande do mundo xa que os dous anteriores non son transatlánticos.^[3]

O Queen Mary 2 na Ría de Vigo.

Hoxe en día, a rivalidade entre as empresas navais de pasaxeiros non é contar co buque máis rápido, xa que estes non son usados máis coma un medio de transporte, senón contar co máis grande e luxoso. O Queen Mary 2 deu este título á Cunard en 2004, e foi o primeiro transatlántico que se construíu dende o Queen Elizabeth 2 de 1969.

Digno sucesor de grandes mitos da historia marítima, coma os primeiros transatlánticos de luxo alemáns de antes da primeira guerra mundial, que introduciron o concepto de hotel de luxo na navegación marítima, e transatlánticos famosos como o Titanic, o Mauretania, o Queen Mary, o Queen Elizabeth e mailo Queen Elizabeth 2; o Queen Mary 2 é 44,8 metros máis longo ca a Torre Eiffel e tres veces e medio máis ca a torre de Westminster (Big Ben). Ademais, é só 35,7 metros máis curto ca o edificio Empire State de Nova York. En decembro de 2011 cambiou o seu porto de rexistro a Hamilton, nas Bermudas.

Dende os seus comezos o Queen Mary 2 abarloou en numerosas ocasións no porto de Vigo.