Miliobatiformes

A dos miliobatiformes (Myliobatiformes) é unha das catro ordes da superorde dos batoideos, peixes cartilaxinosos elasmobranquios relacionados cos tiburóns (superorde selaquimorfos).

Miliobatiformes (Myliobatiformes) Raias látego
Dasyatis sabina
Clasificación científica
Reino: Animalia Filo: Chordata Subfilo: Vertebrata Clase: Chondrichthyes Subclase: Elasmobranchii Superorde: Batoidea Orde: Myliobatiformes Compagno, 1973
Familias
Véxase o texto

Moi semellantes ás raias (denomínanse ás veces raias látego ou raias de aguillón) estes peixes estaban anteriormente incluídos na orde Rajiformes, pero estudos filoxenéticos recentes demostraron que os miliobatiformes constitúen un grupo monofilético.^[1]

Clasificación

Nelson, en 2006, na súa obra Fishes of the World clasifica os miliobatiformes da seguinte maneira:^[2]

Orde Myliobatiformes

• Suborde Platyrhinoidei
  • Familia Platyrhinidae D. S. Jordan, 1923
• Suborde Zanobatoidei
  • Familia Zanobatidae Fowler, 1928
• Suborde Myliobatoidei
  • Superfamilia Hexatrygonoidea
    • Familia Hexatrygonidae Heemstra & Smith, 1980
  • Superfamilia Urolophoidea
    • Familia Plesiobatidae Nishida, 1990
    • Familia Urolophidae Müller e Henle, 1841
  • Superfamilia Urotrygonoidea
    • Familia Urotrygonidae McEachran, Dunn & Miyake, 1996
  • Superfamilia Dasyatoidea
    • Familia Dasyatidae Jordan, 1888
    • Familia Potamotrygonidae Garman, 1877
    • Familia Gymnuridae Fowler, 1934
    • Familia Myliobatidae Bonaparte, 1838

Controversia

A orde foi proposta por Leonard Compagno en 1973. De acordo coa súa revisión de 1999^[3] esta orde comprendía as seguintes familias:

• Dasyatidae
• Gymnuridae
• Hexatrygonidae
• Mobulidae
• Myliobatidae
• Plesiobatidae
• Potamotrygonidae
• Rhinopteridae Jordan & Evermann, 1896
• Urolophidae

Porén, a orde no é recoñecida por FishBase, que sitúa as seis familias que considera na orde dos raiformes.^[4]

Pola súa parte, o Integrated Taxonomic Information System (ITIS) considera estas familias:^[5]

• Dasyatidae
• Gymnuridae
• Hexatrygonidae
• Mobulidae Gill, 1893 (non recoñecida por FishBase, que clasifica todas as súas especies na familia dos Myliobatidae)
• Myliobatidae
• Plesiobatidae
• Potamotrygonidae
• Rhinopteridae
• Urolophidae

(Para outra clasificación, véxase a ligazón externa ao NCBI).

En Galicia

En augas próximas ás costas galegas están citadas as especies seguintes:^[6][7]

• Familia Dasyatidae
  • Dasyatis pastinaca (Linnaeus, 1758) (a ouxa)
• Familia Mobulidae
  • Mobula mobular (Bonnaterre, 1788) (a manta)
• Familia Myliobatidae
  • Myliobatis aquila (Linnaeus, 1758) (o chucho)