Recurvirostra

Recurvirostra é un xénero de aves da orde dos caradriformes, que é o tipo da familia dos recurvirróstridos.

Recurvirostra
Recurvirostra avosetta (avoceta común)
Clasificación científica
Reino: Animalia Filo: Chordata Subfilo: Vertebrata Clase: Aves Orde: Charadriiformes Familia: Recurvirostridae Xénero: Recurvirostra Linnaeus, 1758
Especie tipo
Recurvirostra avosetta Linnaeus, 1758
Especies
Vexase o texto

Características

As especies do xénero Recurvirostra teñen patas longas e moven dos seus picos, longos, delgados e curvados cara a arriba, e dun lado para outro cando se alimentan nas zonas húmidas, salobres ou salinas nas que habitan. A súa plumaxe é de varias cores.

Os membros deste xénero teñen as patas palmadas e nadan facilmente. A súa dieta consiste en insectos acuáticos e outros pequenos animais. En contornas como os estuarios, poden alimentarse nos lodos das marismas costeiras.

Aniñan no solo, en colonias.

Taxonomía

Descrición

O xénero foi descrito en 1758 por Linneo, na páxina 151 do volume 1 da 10ª edición do seu Systema Naturae que, daquela, incluía unha soa especie, Recurvirostra avosetta, a avoceta común.^[1]

Etimoloxía

O nome científico do xénero, Recurvirostra, está formado pola unión dos elementos ''recurvi- e -rostra, tirados do latín clásico o adxectivo recurvus, -a, -um, "dobrado" ou "curvado cara a atrás", e o substantivo rostrum, -i, "bico de ave".^[2] Literalmente: "as do bico curvado".

Especies

O xénero comprende catro especies.^[3][4]

Imagxe	Nome científico	Distribución
	Recurvirostra americana	Centro e oeste dos Estados Unidos, sur da Florida, México, Saskatchewan e Alberta
	Recurvirostra andina	Arxentina, oeste de Bolivia, norte de Chile e sur do Perú
	Recurvirostra avosetta	Europa temperada e Asia occidental e central
	Recurvirostra novaehollandiae	Australia