Rei

Rei^[1] é un título que se dá a un monarca masculino en diversos contextos. Un rei é un monarca absoluto se ostenta os poderes de goberno sen control, ou toda a soberanía sobre unha nación; é un monarca limitado se o seu poder está restrinxido por leis fixas; e é absoluto, cando ostenta todo o poder lexislativo, xudicial e executivo, ou cando os poderes lexislativo ou xudicial, ou ámbolos dous, son conferidos a outras persoas polo rei. Os reis son soberanos hereditarios cando ostentan os poderes de goberno por dereito de nacemento ou herdanza, e electivos cando son elevados ao trono por elección. O seu equivalente feminino é a raíña.

Para outras páxinas con títulos homónimos véxase: Rei (homónimos).

rei raíña
Istancia de	título nobiliario, cargo e profesión
Subclase de	monarca e home
Tratamento	Súa Maxestade e King (en)
Organización dirixida	reguengo, reino e reino
Oposto a	raíña reinante e raíña
Non confundir con	emperador
Dise que é o mesmo que	raíña reinante
Fontes e ligazóns
Descrito pola fonte Vlastenský slovník historický Q23904355 Metropolitan Museum of Art Tagging Vocabulary Dicionario Enciclopédico Brockhaus e Efron Q24449241 Encyclopædia Britannica 1911 Encyclopædia Britannica/King (en)
[ Wikidata ] [ C:Commons ]

Coroa real.

Contexto

• No contexto da prehistoria, a antigüidade e os pobos indíxenas contemporáneos, o título pode referirse á realeza tribal. A realeza xermánica está emparentada coas tradicións indoeuropeas de goberno tribal (por exemplo, r-jan en hindi, reiks en gótico, rí en irlandés antigo, etc.).
• No contexto da Antigüidade clásica, rei pode traducirse en latín como rex e en grego como arconte ou basileos.
• No feudalismo europeo clásico, o título de rei como gobernante dun reino enténdese como o máis alto rango na orde feudal, potencialmente suxeito, cando menos nominalmente, só a un emperador (remontándose aos reis clientes da República Romana e do Imperio Romano).^[2]
• Nun contexto moderno, o título pode referirse ao gobernante dunha das diversas monarquías modernas (absolutas ou constitucionais). O título de rei utilízase xunto a outros títulos para monarcas: en Occidente, emperador, gran príncipe, príncipe, arquiduque, duque ou gran duque, e no mundo islámico, malik, sultán, emir ou hakim, etc.^[3]
• Cada unha das cidades estado do Imperio Azteca tiña un tlatoani. Estes eran os reis da Mesoamérica prehispánica. O Huey Tlatoani era o emperador dos aztecas.^[4]

O termo rei tamén pode referirse a un rei consorte, título que ás veces se dá ao marido dunha raíña reinante, mais o título de príncipe consorte é máis común.