Robert Noyce

Robert Norton Noyce, nado en Burlington (Iowa) o 12 de decembro de 1927 e finado en Austin (Texas) o 3 de xuño de 1990, foi un físico estadounidense. Alcumado "o alcalde de Silicon Valley", foi cofundador de Fairchild Semiconductor en 1957 e Intel en 1968. É recoñecido xunto con Jack Kilby como o inventor do circuíto integrado ou microchip, motor da revolución dos computadores persoais, e por dar o nome a Silicon Valley.^[1] Noyce ideou métodos prácticos para producir circuítos integrados en masa e foi considerado un modelo para unha xeración de emprendedores.

Robert Noyce

Biografía
Nacemento	12 de decembro de 1927 Burlington, Estados Unidos de América (pt)
Morte	3 de xuño de 1990 (62 anos) Austin, Estados Unidos de América
Causa da morte	infarto agudo de miocardio
Educación	Instituto de Tecnoloxía de Massachusetts - Doutor en filosofía (–1953) Grinnell College - grao en Artes (–1949)
Actividade
Campo de traballo	Física
Ocupación	físico, empresario, inventor, informático teórico
Empregador	Fairchild Semiconductor
Membro de	Academia Naciona de Ciencias dos Estados Unidos (Membro da Academia Nacional de Ciencias dos Estados Unidos) (1980–) Asociación Americana para o Avance das Ciencias Phi Beta Kappa os oito traidores (pt) Academia das Artes e das Ciencias dos Estados Unidos
Obra
Arquivos en	Stanford University Libraries Department of Special Collections and University Archives (en)
Familia
Cónxuxe	Ann Schmeltz Bowers (1974–1990) Elizabeth Noyce (1953–1974)
Fillos	William B. Noyce  () Elizabeth Noyce Priscilla Noyce  () Elizabeth Noyce Pendred Noyce  () Elizabeth Noyce Margaret Noyce  () Elizabeth Noyce
Pais	Ralph Brewster Noyce   e Harriet May Norton
Premios
(1989)  Premio Charles Stark Draper (1989)  Medalla John Fritz (1987)  Medalla Nacional de Tecnoloxía e Innovación (1983)  Salón da Fama dos Inventores Nacionais (1982)  IRI Achievement Award (en) (1980)  Prêmio Harold Pender (pt) (1979)  Medalla Nacional de Ciencia (1979)  Medalha Faraday (pt) (1978)  Medalha de Honra IEEE (pt) (1978)  Prêmio Cledo Brunetti IEEE (pt) (1978)  Prêmio Memorial Harry H. Goode (pt) (1966)  Medalla Stuart Ballantine  Membro da Academia Estadounidense das Artes e as Ciencias
Descrito pola fonte	Obálky knih,

Premios e legado

En xullo de 1959 inscribiu a patente dun tipo de circuíto integrado. Por este traballo independente sobre o circuíto integrado, rexistrado uns meses máis tarde que os do seu primeiro inventor, Jack Kilby, e polo impacto que tiveron as súas aplicacións no mundo ambos recibiron o recoñecemento de tres presidentes dos Estados Unidos.

Ademais foi o destinatario doutros premios, como a Medalla Nacional de Tecnoloxía outorgada por Ronald Reagan en 1987, e o concedido pola Academia Nacional de Enxeñaría, entregado por George H. W. Bush en 1989. No bicentenario da lei de patentes, celebrado en 1990, recibiu a Medalla en recoñecemento á súa carreira, conxuntamente con Jack Kilby e John Bardeen entre outros.

Así mesmo recibiu a Medalla Stuart Ballantine do Instituto Franklin en 1966;^[2] a Medalla de Honor do Instituto de Enxeñeiros Eléctricos e Electrónicos en 1978;^[3][4] a Medalla Nacional de Ciencias en 1979; foi elixido membro da Academia Estadounidense das Artes e das Ciencias en 1980;^[5] e a Academia Nacional de Enxeñaría outorgoulle o Premio Charles Stark Draper en 1989, un ano antes do seu falecemento.^[6]

A universidade onde estudou, Grinnell College, púxolle o seu nome ao edificio da facultade de ciencias.

Co motivo do aniversario 84 de Robert Noyce, Google deseñou un logotipo especial na hornra do cofundador de Intel.^[7]

No seu afán investigador, chegou a rexistrar ata quince patentes relacionadas co campo da electrónica e dos microprocesadores.

A súa familia creou a Fundación Noyce en 1991. Esta fundación dedícase a mellorar a educación pública en matemáticas e ciencias nos niveis de primaria e secundaria.