Rosalynn Carter

Eleanor Rosalynn Carter (de solteira Smith), nada en Plains (Xeorxia) o 18 de agosto de 1927 e finada na mesma localidade o 19 de novembro de 2023, foi a Primeira Dama dos Estados Unidos de América entre 1977 e 1981 como a esposa de Jimmy Carter. Durante décadas foi voceira de numerosas causas.

Rosalynn Carter

(1977)
Biografía
Nacemento	(en) Eleanor Rosalynn Smith 18 de agosto de 1927 Plains, Estados Unidos de América
Morte	19 de novembro de 2023 (96 anos) Plains, Estados Unidos de América
Causa da morte	demencia
39ª Primeira dama dos Estados Unidos
20 de xaneiro de 1977 – 20 de xaneiro de 1981 ← Betty Ford – Nancy Reagan →
Datos persoais
Relixión	Baptismo
Educación	Georgia Southwestern State University (en) (–1946)
Actividade
Campo de traballo	Actividade literaria e activismo
Ocupación	política, autobiógrafa, activista polos dereitos das mulleres, escritora
Partido político	Partido Demócrata
Membro de	Daughters of the American Revolution
Familia
Cónxuxe	James Earl "Jimmy" Carter (1946–2023), morte da persoa
Fillos	Jack Carter, James Earl Carter III, Jeff Carter, Amy Carter
Pais	Wilburn Edgar Smith   e Allie Murray Smith
Premios
(2015)  Pardes Humanitarian Prize in Mental Health (en) (2009)  American Peace Award (en) (2005)  Premio Caucus (2001)  National Women's Hall of Fame (2000)  Sarnat Prize (en) (1999)  Medalla Presidencial da Liberdade Concedido por William Jefferson Clinton (1978)  Ladies' Home Journal Women of the Year (en)  Delta Prize for Global Understanding (en)
Sinatura
Descrito pola fonte	Obálky knih,

Carter estivo politicamente activa durante os seus anos na Casa Branca, sentando nas reunións do gabinete. Foi a conselleira máis próxima ao seu marido. Tamén serviu como enviada no estranxeiro, particularmente en Latinoamérica.

Traxectoria

Rosalynn Carter aos dezasete anos.

Orfa de pai dende os trece anos,^[1] axudou a súa nai no seu traballo de modista^[2] para afrontar os seus estudos elementais. No Plains High School, Rosalynn traballou duro para facer realidade o soño do seu pai de que fose á facultade.^[2] Matriculouse no Georgia Southwestern College, mais despois abandonouno.^[3] Tiña aspiracións de saír de Plains, mais tivo que deixar a facultade debido á falta de diñeiro e por ter obrigas coa súa nai e irmáns.^[4]

Casou con Jimmy Carter en 1946 e dende que este abandonou a Armada dos Estados Unidos colaborou na empresa familiar dedicada ao cultivo e comercialización de cacahuetes, no departamento de contabilidade.

Cando en 1962, Jimmy Carter foi elixido senador polo estado de Xeorxia, Rosalynn dedicouse a apoiar a carreira política do seu esposo. En 1970 converteuse na primeira dama de Xeorxia e decidiu centrarse na saúde mental.^[5] Máis tarde fixo campaña para a candidatura de Carter á Presidencia dos Estados Unidos. Ao final do mandato incorporouse ao proxecto do Centro Carter, onde é codirectora.

Participou activamente nas tarefas preparatorias para a asistencia da fundación ao Referendo presidencial de Venezuela de 2004 a petición de todas as partes.

Vida privada

Rosalynn e Jimmy Carter casaron en Plains o 7 de xullo de 1946. O matrimonio cancelou os plans de Rosalynn de acudir ao Georgia State College for Women, onde planeaba estudar deseño de interiores.^[6] A parella tivo catro fillos: John William "Jack" (nado en 1947), James Earl "Chip" III (nado en 1950), Donnel Jeffrey "Jeff" (nado en 1952) e Amy Lynn (nada en 1967).