Submillimeter Wave Astronomy Satellite

SWAS (acrónimo de Submillimeter Wave Astronomy Satellite), tamén coñecido como Explorer 74, é un observatorio espacial da NASA pertencen ó programa Explorer lanzado o 6 de decembro de 1998 mediante un foguete Pegasus XL desde a base Vandenberg da Forza Aérea.^[2][4]

Submillimeter Wave Astronomy Satellite (SWAS) / Explorer 74
SWAS
Tipo	Observatorio espacial
Organización	NASA
Satélite de	Terra
Data de lanzamento	6 de decembro de 1998[1][2][3]
Foguete portador	Pegasus XL[2][4]
Sitio de lanzamento	Base Vandenberg da Forza Aérea[2][5]
Obxectivo da misión	Observación astronómica en lonxitudes de ondas submilimétricas.[2][5]
NSSDC ID	1998-071A
Masa	288 kg[2][4]
Potencia	230 vatios[2]
Datos orbitais
Semieixo maior	6982,2 km[1]
Inclinación	69,9 graos[1]
Apoapse	619,3 km[1]
Periapse	603,2 km[1]
v c e

Características

A misión de SWAS foi observar o ceo en lonxitudes de onda submilimétricas para estuda-la composición química, o balance de enerxía e a estrutura das nubes interestelares e os procesos que forman os planetas e as estrelas.^[2][4]

SWAS centrouse en observar liñas espectrais específicas:^[2][4]

• a liña da molécula da auga a 556,936 GHz.
• a liña do osíxeno molecular a 487,249 GHz.
• a liña do carbono a 492,161 GHz.
• a liña do monóxido de carbono isotópico con ¹³C a 550,927 GHz.
• a liña da auga isotópica con ¹⁶O a 548,676 GHz.

O satélite estabilízase nos tres eixos e tiña unha precisión no apuntado de 38 segundos de arco.^[2][4]

SWAS foi apagado en febreiro de 2008, pero foi reactivado en varias ocasións para facer observacións especiais.^[4]

Instrumentos

SWAS levaba a bordo un telescopio Cassegrain elíptico fóra de eixo, de 55 x 71 cm de apertura, cun ancho de feixe de 4 minutos de arco, e que alimenta uns radiómetros formados por un par de díodos Schottky refrixerados.^[4]

Véxase tamén

Wikimedia Commons ten máis contidos multimedia na categoría:  Submillimeter Wave Astronomy Satellite

Ligazóns externas

• Páxina web de SWAS