Santiago Abascal

Santiago Abascal Conde, nado en Bilbao o 14 de abril de 1976, é un político español, presidente do partido Vox e deputado das XIII e XIV lexislaturas de España. Anteriormente militou no Partido Popular, dende 1994 até 2013, sendo parlamentario vasco por esta formación entre 2004 e 2009. Foi fundador da Fundación para a Defensa da Nación Española (DENAES), da cal foi presidente varios anos. Así mesmo é autor de varios ensaios políticos.

Santiago Abascal

(2024, Washington, D.C.)
Biografía
Nacemento	14 de abril de 1976 (49 anos) Bilbao, España
Deputado no Congreso dos Deputados
Representa: Vox 3 de decembro de 2019 – Lexislatura: XIV lexislatura do Congreso de España Circunscrición electoral: Circunscrición electoral de Madrid Electo en: eleccións ao Congreso de España de novembro de 2019
Deputado no Congreso dos Deputados
14 de maio de 2019 – Lexislatura: XIII lexislatura de España Circunscrición electoral: Circunscrición electoral de Madrid Electo en: eleccións ao Congreso de España de abril de 2019
Q87349529
20 de setembro de 2014 – ← José Luis González Quirós
Deputado do Parlamento do País Vasco
4 de outubro de 2005 – 6 de xaneiro de 2009 ← Encina Regalado de los Cobos (en) Lexislatura: VIII lexislatura do Parlamento Vasco Circunscrición electoral: Áraba Electo en: eleições regionais no País Basco em 2005 (pt)
Deputado do Parlamento do País Vasco
16 de xaneiro de 2004 – 22 de xaneiro de 2005 ← Carlos Urquijo Lexislatura: VII lexislatura do Parlamento Vasco Circunscrición electoral: Áraba Electo en: eleições regionais no País Basco em 2001 (pt)
Datos persoais
Relixión	Catolicismo
Educación	Universidade de Deusto - socioloxía (–2003)
Actividade
Lugar de traballo	Las Ventas Madrid
Ocupación	político, sociólogo, ensaísta
Período de actividade	1999 -
Partido político	Vox (2014–) Partido Popular (1994–2013)
Movemento	Antiglobalismo de dereita, nacionalismo español e oposición á inmigración
Participou en
25 de xuño de 2012	manifesto de reconversión.es
Obra
Obras destacables (2015) Q135526295
Familia
Cónxuxe	Lidia Bedman Lapeña (2018–) Ana Belén Sánchez Cenador (2002–2010), divorcio
Pais	Santiago Abascal Escuza   e María Isabel Conde Álvarez
Irmáns	Stela Abascal Conde Iria Abascal Conde
Parentes	Begoña Conde Álvarez, tía materna Manuel Abascal Pardo, avó paterno
Sinatura
Sitio web	santiagoabascal.es

Traxectoria

Naceu en Bilbao o 14 de abril de 1976, procedente dunha familia de Amurrio (Áraba) por parte paterna, e coruñesa por parte materna.^[1]

A súa vencellanza coa política procede de familia. O seu pai, Santiago Abascal Escuza, foi un membro histórico do grupo Alianza Popular e, máis tarde, dirixente local do Partido Popular en Áraba durante máis de 35 anos.^[2] Foi concelleiro de Amurrio, membro da executiva do partido no País Vasco e voceiro do seu grupo nas Xuntas Xerais de Áraba.^[3] O seu avó foi tamén alcalde da localidade durante o franquismo, comezando no ano 1963 e finalizando o seu mandato xa en democracia, no ano 1979. A súa familia, por mor da súa actividade política, sempre estivo ameazada pola banda terrorista ETA e pola súa contorna.^[4]

Santiago Abascal Conde realizou estudos de socioloxía, licenciándose na Universidade de Deusto en 2003. Colabora con numerosos medios de comunicación entre os que salientan a Cadea COPE, o Grupo Intereconomía, esRadio, Libertad Digital, 13TV, ABC, La Razón e o Semanario Alba, e participa nos faladoiros de «El gato al agua» (Intereconomía Televisión) e «El cascabel» (13 TV).

Obras

• Secesión y exclusión en el País Vasco (2004) Vitoria-Gazteiz: Ikusager Ediciones.
• ¿Derecho de autodeterminación? Sobre el pretendido derecho de secesión del «Pueblo Vasco» (2004). Madrid: Centro de Estudios Políticos y Constitucionales.^[5]
• La farsa de la autodeterminación. El plan Ibarretxe: al asalto del País Vasco y España (2005). Barcelona: Ediciones Áltera.
• En defensa de España. Razones para el patriotismo español (2008). Madrid: Ediciones Encuentro. Con Gustavo Bueno Sánchez.
• No me rindo (2014). Madrid: La Esfera de los Libros. Con Gonzalo Altozano.
• Hay un camino a la derecha (2015). Madrid: Stella Maris. Con Kiko Méndez-Monasterio.