Savaii

Savai'i , a alma de Samoa, é a principal e máis grande illa no estado de Samoa, formada por basalto, que pasa dos fondos mariños da zona occidental Océano Pacífico. Savai'i é un volcán activo, o cal fixo erupción por última vez en 1911. É o fogar de aproximadamente 50.000 persoas, é menos desenvolvida que Upolu, a outra illa principal. Os portos de Salelologa e Asau sitúanse en Savai'i. Savai'i é o fogar da Pulemele'i Mound, Alofa'aga Blowholes, e Moso's Footprint, que se remontan a tempos prehistóricos. Falealupo, a só 20 millas do cambio de data, é o pobo máis occidental de Samoa, e posiblemente, do mundo. Nos comenzos do século XIX, a illa foi chamada Pola.

Para a mítica patria de orixe dos pobos polinesios (ás veces denominada Savai'i), véxase Hawaiki

Savaii

Tipo	illa
Parte de	Ilhas Samoa (pt)
Situado na entidade xeográfica	Ilhas Samoa (pt)
Localización
División administrativa	Samoa
13°35′S 172°25′O
Bañado por	Océano Pacífico
Características
Altitude	1.858 m
Dimensións	40 () × 70 () km
Punto máis alto	Mauga Silisili (pt)  (1.858 m )
Superficie	1.718 km²

Mitos e lendas

Aldea de Matautu, costa norte Savai'i (1902)

Rica na historia polinesia e a tradición oral, Savai'i menciónase en mitos e lendas das Illas do Pacífico e chamouse o "berce da Polinesia".^[1]

A Mitoloxía samoana conta historias de deuses diferentes. Había deuses dos bosques, dos mares, da choiva, da colleita, das aldeas, e da guerra.^[2] Houbo dous tipos de deuses: atua, que tiñan orixes non humanas, e aitu, que eran de orixe humana. Tagaloa era un deus supremo que fixo as illas e a xente. Mafui'e era o deus dos terremotos. Había tamén varios deuses da guerra. Nafanua, a deusa guerreira de Samoa, provén da aldea de Falealupo no extremo oeste da illa, que é tamén o sitio da entrada en Pulotu, o mundo dos espíritos. O pai de Nafanua Saviasi'uleo era o deus de Pulotu.^[3] Outra lenda ben coñecida fala de dúas irmás, Tilafaiga e Taema, traendo a arte do tatuaxe a Samoa desde Fiji. Tilafaiga é a nai de Nafanua. A piscina de auga doce Mata o le Alelo 'Ollos do Demo' da lenda polinesia Sina e a anguía sitúase na aldea de Matavai na costa do norte no distrito da aldea de Safune.^[4] Outra figura da lenda é Tui Fiti, que reside na aldea de Fagamalo no distrito da aldea de Matautu na costa norte central. A aldea de Falelima asóciase cun temido espírito chamado Nifoloa.

Savai'i é coñecida como o "Alma de Samoa". "Aquí o século XX tivo pouca influencia, e a fa'a Samoa (a forma samoana) ten o maior significado." ^[5]

Actividade volcánica

A illa consiste nunha gran placa volcánica en forma similar aos volcáns de Hawai. En consecuencia, a illa ten un perfil de suave declive, alcanzando unha altitude máxima de 1858 metros no monte Silisili. Savai'i segue sendo volcanicamente activa, coas recentes erupcións de Matavanu entre 1905 e 1911, Mata Ole Afi en 1902 e Mauga Afi en 1725. O campo de lava en Saleaula causado polas erupcións do Matavanu na primeira parte da século XX son o suficientemente amplas para que sexan visibles nas fotografías de gran altitude

Galería

• 
  Illa Savai'i desde o espazo (foto NASA)
• 
  Igrexa histórica na vila de Safotu.
• 
  Géyse Alofa'aga na vila de Taga, Palauli
• 
  Vista desde Pulemelei Mound
• 
  Mata o le Alelo poza de auga doce relacionada coa lenda de Sina e a anguía
• 
  Fervenza de Mu Pagoa no distrito Palauli.
• 
  Igrexa de pedra en Satupa'itea en Savai'i c. 1908
• 
  Bus local
• 
  Campos de lava en Savai'i
• 
  Atardecer en Sapapali'i
• 
  Samoa danza do lume siva afi
• 
  Beach fale, populares vilas de eco-tourismo ao redor da costa.
• 
  Canoa de pesca (va'a) cun pequeno estabilizador
• 
  Vista desde o transbordador coa minúscula illa de Apolima e a costa de Savai'i (dereita).
• 
  Volcán Monte Matavanu, 1906
• 
  Árbore do pan (Artocarpus altilis), un alimento básico en Samoa.
• 
  Cacao tostado koko cultivo local usado para beber koko quente samoano.