Escafirrinquinos

A dos escafirrinquinos (Scaphirhynchinae) é a máis pequena das dúas subfamilias en que se divide a familia dos acipenséridos, xa que comprende dous xéneros cun total de tan só seis especies.^[1][2]

Escafirrinquinos
Scaphirhynchinae
Instancia de taxon
Categoría taxonómica Subfamilia
Taxon superior Acipenséridos
Clasificación taxonómica
Reino	Animalia
Filo	Chordata
Subfilo	Vertebrata
Infrafilo	Gnathostomata
Superclase	Osteichthyes
Clase	Actinopterygii
Orde	Acipenseriformes
Familia	Acipenseridae
Subfamilia	Scaphirhynchinae
Fontes e ligazóns
ITIS 573237
OTT 5758892
[ Wikidata ]

Características

Un dos xéneros é propio de Norteamérica, e o outro de Asia Central, e comprenden tres especies cada un. Estes peixes teñen un rostrum prolongado, tubular, e carecen de espiráculo.

Probabelmente non sexan un grupo monofilético, xa que inclúen formas ananas próximas aos acipenserinos (Grande e Bemis, 1991).^[3]

As especies asiáticas son relativamente pequenas, de tan só de 27 a 70 cm de lonxitude, en comparación con enormes tamaños dos verdadeiros esturións. Son endémicas dos ríos Amu Daria e Sir Daria, que desembocan no mar de Aral, e as tres especies están consideradas en perigo de extinción.

Taxonomía

• Xénero Scaphirhynchus Heckel, 1836 ^[4]
  • Scaphirhynchus albus (Forbes & R. E. Richardson, 1905)
  • Scaphirhynchus platorynchus (Rafinesque, 1820)
  • Scaphirhynchus suttkusi J. D. Williams & Clemmer, 1991
• Xénero Pseudoscaphirhynchus Nikolskii, 1900 ^[5]
  • Pseudoscaphirhynchus fedtschenkoi (Kessler, 1872)
  • Pseudoscaphirhynchus hermanni (Kessler, 1877)
  • Pseudoscaphirhynchus kaufmanni (Kessler, 1877)