Scincomorpha

A dos escincomorfos (Scincomorpha) é unha infraorde de réptiles da orde dos escamosos e suborde dos lacertilios.

Scincomorpha Escincomorfos Rango fósil: Xurásico medio — Actualidade (170 - 0 Millóns de anos)
Scincus scincus
Clasificación científica
Reino: Animalia Filo: Chordata Subfilo: Vertebrata Superclase: Tetrapoda Clase: Sauropsida Orde: Squamata Suborde: Lacertilia Infraorde: Scincomorpha Camp, 1923
Familias
Véxase o texto
Sinonimia
Véxase o texto

Cordylus cordylus.

Lagarto arnal (Timon lepidus).

Lagarta galega (Podarcis bocagei).

Xantusia henshawi.

Taxonomía

Descrición

A infraorde foi descrita en 1923 polo paleontólogo e zoólogo estadounidense, especializado en herpetoloxía, Charles Lewis Camp,^[1] en "Classification of the lizards". Bulletin of the American Museum of Natural History 48: 289-481.

Etimoloxía

O nome científico Scincomorpha está formado sobre a base do nome do seu xénero tipo, Scincus, coa adición do sufixo do latín científico -morpha, feminino singular e neutro plural de -morphus "-morfo", derivado do grego antigo μορφή morphē, "forma", "figura", especialmente do corpo, "aspecto", "aparencia".^[2] Lieralmente, "os parecidos aos escincos".

Sinónimos

Ademais de polo nome actualmente válido, a infrorde coñeceuse tamén polos sinónimos:

• Scinciformata.^[3][4]
• Leptoglosa.^[5]

Clasificación

Na infraorde recoñécenese xeralmente as sete familias seguintes:^[6]

• Cordylidae Mertens, 1937
• Gerrhosauridae Fitzinger, 1843
• Gymnophthalmidae Merrem, 1820
• Lacertidae Gray, 1825
• Scincidae Gray, 1825
• Teiidae Gray, 1827
• Xantusiidae Baird, 1858

Porén, segundo Stephen Blair Hedges (2014), só comprendería:^[7]

• Cordylidae
• Gerrhosauridae
• Lacertidae
• Scincidae
• Xantusiidae

Características

As principais características dos scincomorfos son:^{[Cómpre referencia]}

• Son animais escamosos, con dentición pleurodóntica,^[8] cos parietais funsionados e lingua simple, coa cabeza non delimitada claramente do resto do corpo, que é delgado e con frecuente tendencia á redución das extremidades.
• As súas especies viven en todo o mundo, sobre todo nas rexións trópicais e subtropicais, principalmente no solo e, a miúdo, en zonas áridas.
• Só unhas poucas poden trepar e vivir nas árbores.
• Algunhas teñen unha aparencia semellante á das serpentes, por teren as extremidades moi reducidas.
• Todos os escincomorfos teñen a lingua cuberta por escamas planas superpostas.

Rexistro fósil

Apareceron por primeira vez no rexistro fósil hai uns 170 millóns de anos, durante o Xurásico.^[9]

Filoxenia

Estudos de bioloxía molecular discuten a monofilia dos escincomorfos, e conforman o novo taxon dos Scinciformata, que corresponde á superfamilia anterior dos Scincoidea, deixando fóra aos lacértidos.^[10][11][12]

O seguinte cladograma nostra as relacións filoxenéticas das familias dos Scincoidea:

Scincoidea (Scinciformata)	Scincidae    Cordylomorpha    Xantusiidae    Cordyloidea    Cordylidae     Gerrhosauridae