Segestria florentina

Segestria florentina é a meirande araña europea da familia Segestriidae. As femias poden chegar a medir 14-22 mm de longo, e os machos, algo máis pequenos como en moitos arácnidos, posúe quelíceros en forma de navalla de gran tamaño de cor verde "eléctrico", adoitando medir uns 10-15 mm. Esta especie é máis escura ca outras do seu mesmo xénero.^[1]

Segestria florentina
Clasificación científica
Reino: Animalia Filo: Arthropoda Subfilo: Chelicerata Clase: Arachnida Orde: Araneae Familia: Segestriidae Xénero: Segestria Especie: S. florentina (Rossi, 1790)
Sinonimia
Aranea subterranea Aranea florentina Aranea perfida Aranea cellaria Segestria perfida Segestria cellaria Segestria gracilis Segestria senoculata

Comportamento

De comportamento semellante á araña lobo, a súa técnica de caza consiste na construción de arañeiras tubulares en fendas de muros por cuxa abertura sae a araña por sorpresa para cazar insectos desprevidos. Aliméntase de avespas, abellas e todo insecto que caia na súa arañeira en forma de funil.

Distribución

De orixe mediterránea, introduciuse de maneira accidental nalgunhas illas do Atlántico, na Arxentina e Australia entre outros.