Serra do Careón

A serra do Careón^[1] é unha serra e que pertence á dorsal galega e que separa a Terra de Melide das comarcas de Lugo e da Ulloa. O seu relevo xeral é suave e de meseta con chanzos, e nela nacen o río Furelos e o río Seco, afluentes do río Ulla.^[2][3]

Serra do Careón

Tipo	montaña
Localización
División administrativa	provincia da Coruña, España e provincia de Lugo, España
42°56′59″N 7°55′17″O

Esta serra destaca por ser o máis extenso afloramento de rochas ultrabásicas na Península Ibérica. Así mesmo, a súa meirande parte forma parte do espazo natural protexido homónimo declarado como zona especial de conservación, o ZEC Serra do Careón.^[3]

Xeografía e xeoloxía

Orografía

Forma parte da dorsal galega. Conta cunha altitude media de 550 metros e máxima de 798 metros, no Monte Careón.

Hidrografía

Nesta serra nacen o río Narla, afluente do Miño, e o río Pambre, o río Seco ou o río Furelos, afluentes todos tres do río Ulla.

Xeoloxía

Dominan os granitos de dúas micas e intrusivos, gneis de ollo de sapo e xistos. Así mesmo, esta serra destaca por ser a máis extensa floración de rochas ultrabásicas na Península Ibérica, que vai desde Sobrado ata o sur de Melide. Catalogouse como o PIG C-17: Pregamentos tombados no complexo ultrabásico de Melide.