Sextante (moeda)

O sextante (en latín: sextans) foi unha moeda da antiga Roma de bronce usada durante a República, co valor da sexta parte dun ás ou dúas onzas (unciae).^[1][2][3]

Para outras páxinas con títulos homónimos véxase: Sextans (homónimos).

Para outras páxinas con títulos homónimos véxase: Sextante (homónimos).

Sextante cunha imaxe de Rómulo e Remo mamando da loba, cunha aguia no reverso e os dous puntos que representan o valor de dúas onzas romanas (217-215 a. C.)

Caracterización

O deseño máis habitual dos sextantes consistía no busto de Mercurio acompañado de dous puntos grosos, a modo de marca de valor que indicaba dúas uncias, nos anversos, e a proa dun barco nos reversos, aínda que as primeiras emisións amosaban unha simboloxía máis diversa, caracterizada por elementos como cunchas de vieira, caduceos, etc., fundamentalmente nos anversos.^[4][5][6]