Sitta pygmaea

Sitta pygmaea,^[2] é unha especie de ave paseriforme da familia Sittidae nativa de América do Norte.

Sitta pygmaea
En Novo México, EUA.
Estado de conservación
Pouco preocupante[1]
Clasificación científica
Reino: Animalia Filo: Chordata Clase: Aves Orde: Passeriformes Familia: Sittidae Xénero: 'Sitta' Especie: ''S. pygmaea''
Nome binomial
'Sitta pygmaea' Vigors, 1839

Distribución e hábitat

Distribúese desde o sur da Columbia Británica a través de varias rexións descontinuas do oeste dos Estados Unidos ata o centro de México. Encóntrase xeralmente en bosques de piñeiros (especialmente Pinus ponderosa), abetos de Douglas e outras coníferas. Gabea acrobaticamente pola follaxe destas árbores, alimentándose de insectos e sementes: con menor frecuencia arrástrase ao longo das pólas ou troncos como as agatuñadeiras máis grandes.

Comportamento

Aniñan en cavidades de troncos mortos de coníferas, recobren a parte inferior da cavidade con escamas de piñas de piñeiro e outros materiais de orixe vexetal ou animal suaves. Pode encher as gretas ou fendas arredor da entrada con pelame, a función deste comportamento é desconocida. A femia pon de 4 a 9 ovos, que son de cor branca con finas manchas de cor marrón avermellado. Ela fai a maior parte da incubación, que dura uns 16 días. Os pitiños deixan o niño uns 22 días despois da eclosión.

Esta especie é moi gregaria. Unha parella que está nidificando pode ter outras aves como axudantes Fóra da tempada de cría, esta ave paséase en bandadas ruidosas. Tamén se refuxia comunalmente, e téñense visto máis de cen aves agochadas nunha soa cavidade dunha árbore.

Descrición

Mide arredor de 10 cm de lonxitude e 10 gramos de peso. Todas as plumaxes son similares, coa parte superior da cabeza agrisada, partes superiores do corpo de cor gris azulada e partes inferiores abrancazadas. As vocalizaciones son renxidos moi variados, píos e paroleos. Esta especie é moi similar a Sitta pusilla do sueste dos Estados Unidos, pero as súas áreas de distribución non teñen ningunha superposición.

Subespecies

Recoñécense seis subespecies:^[3]

• Sitta pygmaea brunnescens R. A. Norris, 1958
• Sitta pygmaea elii A. R. Phillips, 1986
• Sitta pygmaea flavinucha van Rossem, 1939
• Sitta pygmaea leuconucha Anthony, 1889
• Sitta pygmaea melanotis van Rossem, 1929
• Sitta pygmaea pygmaea Vigors, 1839