Smells Like Teen Spirit

"Smells Like Teen Spirit" é unha canción do grupo de grunge estadounidense Nirvana. É o primeiro tema e sinxelo principal do segundo álbum do grupo, Nevermind (1991), publicado baixo o selo DGC Records. Escrita por Kurt Cobain, Krist Novoselic e Dave Grohl (letras de Cobain, música de Nirvana) e producida por Butch Vig, a canción emprega unha forma de coro-verso onde os principais catro riffs do coro úsanse tanto na introdución coma no coro para crear unha dinámica que alterna entre os ritmos altos e baixos. Segundo o propio Cobain, o son desta canción foi modelado inspirándose no son do grupo Pixies.

Smells Like Teen Spirit
Instancia de obra de composición musical
Epónimo Teen Spirit (Desodorante) (pt)
Parte de Nevermind
Forma artística canción
Xénero grunge
Lingua lingua inglesa
Tonalidade Fá menor (pt)
Autoría
Interpretado por Nirvana Paul Anka Tori Amos Patti Smith
Compositor/a Kurt Cobain Dave Grohl Krist Novoselic
Letra de Kurt Cobain Dave Grohl Krist Novoselic
Publicación
Data de publicación 1991
Produtor/a Butch Vig
Fontes e ligazóns
Redes
[ Wikidata ]

O inesperado éxito da canción a finais de 1991 impulsou a Nevermind a chegar as primeiras posicións das listas de vendas a comezos de 1992, evento que adoita citarse como o punto no que o rock alternativo entrou no mainstream.^[1] Este tema foi o maior éxito de Nirvana, acadando o número seis na lista Billboard Hot 100 e acadando as primeiras posicións nas listas da industria musical de todo o mundo nos anos 1991 e 1992.

"Smells Like Teen Spirit" recibiu abundantes críticas positivas, ademais de gañar dous premios da MTV polo seu vídeo musical, que se emitiu de forma estensiva nas cadeas musicais. A canción chegou a recibir o cualificativo de "himno para os mozos apáticos" da Xeración X,^[2][3] pero o grupo sentiuse incómodo polo éxito e a atención que recibiu o tema. Nos anos posteriores á morte de Cobain o público xeral e a crítica continuou louvando o tema como unha das mellores cancións de tódolos tempos.