Soft Cell

Soft Cell foi un dúo inglés de synthpop que se fixo famoso a comezos dos anos 80. Está composto polo vocalista Marc Almond e o instrumentista David Ball. O grupo é coñecido principalmente pola súa versión de 1981 do tema "Tainted Love" (que foi número 8 nos Estados Unidos, e polo seu álbum de estrea do mesmo ano Non-Stop Erotic Cabaret.

Soft Cell
Orixe	Leeds, Inglaterra
Período	1978 – 1984 2001 – 2004
Xénero(s)	synthpop, electrónica, new wave, post-punk
Selo(s) discográfico(s)	Some Bizzare, Mute Records, Sire Records
Membros	Marc Almond David Ball
Artistas relacionados	Marc and the Mambas, The Grid
Na rede

No Reino Unido tiveron dez éxitos Top 40, incluídos "Tainted Love" (nº 1), "Torch" (nº 2), "Say Hello, Wave Goodbye" (nº 3), "What!" (nº 3) e "Bedsitter" (nº 4), ademais de ter catro álbums no Top 20 entre 1981 e 1984. En 1984 Soft Cell separouse, pero reformaríase de 2001 a 2004 para xirar e gravar novo material, publicando o seu quinto álbum, Cruelty Without Beauty, en 2002.

Cancións de Soft Cell foron versionadas por varios artistas, como Nine Inch Nails, David Gray, Nouvelle Vague, Marilyn Manson ou A-ha. O seu tema "Memorabilia" foi recoñecida como un pioneiro do techno de sintetizadores. O dúo vendeu ao redor de 10 millóns de discos en todo o mundo.

Discografía

Álbum	Ano	Selo
Non-Stop Erotic Cabaret	1981	Some Bizzare Records
Non Stop Ecstatic Dancing	1982	Some Bizzare, Sire, Vertigo
The Art of Falling Apart	1983	Some Bizzare, Sire, Vertigo
This Last Night in Sodom	1984	Some Bizzare, Sire, Vertigo
Cruelty Without Beauty	2002	Cooking Vinyl
The Bedsit Tapes	2005	Some Bizzare
Happiness Not Included	2022	BMG

Véxase tamén

Ligazóns externas

• [ Páxina oficial]