Solar Dynamics Observatory

Solar Dynamics Observatory (Observatorio da dinámica solar), tamén coñecido polo seu acrónimo SDO, é un observatorio espacial da NASA lanzado o 11 de febreiro de 2010 mediante un foguete Atlas V desde o Centro Espacial de Cabo Cañaveral, en Florida.^[2][3]

Solar Dynamics Observatory / SDO
Solar Dynamics Observatory
Tipo	Observatorio solar
Organización	NASA
Data de lanzamento	11 de febreiro de 2010[1][2]
Foguete portador	Atlas V[2][3]
Sitio de lanzamento	Centro Espacial de Cabo Cañaveral, SLC-41[2][4]
Obxectivo da misión	Observación e estudo do Sol.[2][4]
NSSDC ID	2010-005A
Masa	270,0 kg[2][3][4]
Potencia	1540,0 vatios[2]
Datos orbitais
Semieixo maior	42.164 km[1]
Inclinación	28,8 graos[1]
Apoapse	35.794,5 km[1]
Periapse	35.792,6 km[1]
v c e

Características

A misión de SDO pertence a un conxunto de misións encadradas co programa Living With a Star da NASA. A nave estabilízase nos tres eixos apuntando ao Sol. Foi inxectada nunha órbita xeosincrónica de 28 graos de inclinación orbital. O obxectivo da misión é estudar, comprender e predicir os mecanismos de variación solar que afectan á vida na Terra e á tecnoloxía humana.^[2][3]

SDO pode enviar datos á Terra a 130 Mbit/s, xerando sobre 1,5 terabytes de datos diarios.^[2][3]

Instrumentos

SDO leva tres instrumentos a bordo:^[2][3]

• Atmospheric Imaging Assembly (AIA): toma imaxes da atmosfera solar en varias lonxitudes de onda para relacionar cambios no exterior do Sol con cambios no seu interior.
• Extreme Ultraviolet Variability Experiment (EVE): mide as variacións na irradiancia no ultravioleta extremo do Sol segundo as variacións magnéticas solares para comprender o papel do Sol nas variacións da atmosfera da Terra.
• Helioseismic and Magnetic Imager (HMI): o instrumento estuda a orixe da variabilidade solar mediante a análise heliosísmica do interior do Sol e magnetogramas.

Véxase tamén

Wikimedia Commons ten máis contidos multimedia na categoría:  Solar Dynamics Observatory

Outros artigos

• Atlas V