Spyware

Spyware (un acrónimo de spying software, «software espía»; ou simplemente «espíon», en galego^[1]) é calquera software malicioso que teña como obxectivo recompilar información sobre unha persoa ou organización e enviala a outra entidade dun xeito que prexudique o usuario violando a súa privacidade, poñendo en perigo a seguridade do seu dispositivo ou outros medios. Este comportamento pode estar presente noutro software malicioso e en software lexítimo. Os sitios web poden adoptar comportamentos de spyware como o rastrexo web. Os dispositivos de hardware tamén poden verse afectados.^[2]

Spyware
Instancia de tipo de software  Subclase de malware software potencialmente non desexado  Uso vixilancia exfiltración de datos  Medio usado vixilancia
Identificadores Freebase /m/075fh
Wikidata C:Commons

O spyware adoita asociarse coa publicidade e implica moitos dos mesmos problemas. Debido a que estes comportamentos son tan comúns e poden ter usos non prexudiciais, proporcionar unha definición precisa de spyware é unha tarefa difícil.^[3]