Stephen Colbert

Stephen Tyrone Colbert, nado en Washington, D.C. o 13 de maio de 1964, é un actor, guionista, humorista e presentador de televisión estadounidense, famoso polo seu programa The Colbert Report que emitía Comedy Central, un telexornal satírico no que interpreta unha versión caricaturizada dun comentarista conservador estadounidense. E tamén por ser o sucesor de David Letterman no agora chamado Late Show With Stephen Colbert que emite CBS.

Stephen Colbert

(2023)
Biografía
Nacemento	(en) Stephen Tyrone Colbert 13 de maio de 1964 (61 anos) Washington, D.C., Estados Unidos de América
Escritor Saturday Night Live
1996 – 2011
Datos persoais
Relixión	Igrexa católica
Educación	Universidade do Noroeste Porter-Gaud School (en)
Actividade
Lugar de traballo	Washington, D.C.
Ocupación	actor, presentador de televisión, guionista, humorista, produtor de televisión
Período de actividade	1984 -
Partido político	Partido Demócrata
Membro de	Writers Guild of America, East (en)
Xénero artístico	Sátira, humor absurdo, black comedy (en) e teatro de improvisação (pt)
Profesores	Del Close (pt)
Participou en
2006	gradación no Knox College
Familia
Cónxuxe	Evelyn McGee-Colbert (1993–)
Pai	James William Colbert Jr.
Irmáns	Elizabeth Colbert Busch
Premios
(26 de xaneiro de 2014)  Grammy Award for Best Audio Book, Narration & Storytelling Recording (en) (2014)  Exceptional Public Achievement Medal (en)  Premios Emmy do Primetime  premios do Sindicato de Guionistas dos Estados Unidos
Sinatura
Sitio web	comedycentral.com…

Traxectoria

Criado en Carolina do Sur nunha familia de orixe católico irlandesa, Colbert orixinalmente recibiu cursos de arte dramática para ser actor, pero interesouse no teatro da improvisación cando coñeceu a Del Close mentres estudaba na universidade, e comezou a actuar profesionalmente primeiro como suplente de Steve Carell no Second City de Chicago; nesta época entre os seus compañeiros figuraron Paul Dinello e Amy Sedaris, cos que máis tarde desenvolveu a serie de sketch cómicos Exit 57 (1995-1996).

Stephen Colbert en 2010

Colbert tamén escribiu e actuou no Dana Carvey Show antes de colaborar de novo con Sedaris e Dinello de novo na serie Strangers with Candy (1999-2000), onde gañou recoñecemento polo seu personaxe, un profesor de historia homosexual pero foi o seu traballo como correspondente na parodia de telexornal The Daily Show, o que o fixo coñecido a unha maior audiencia.

No ano 2005 deixou The Daily Show with Jon Stewart para crear a súa propia serie, The Colbert Report, seguindo o mesmo concepto é unha parodia dos telexornais de noticias desenvolvidos arredor dun comentarista político como é o caso de The O'Reilly Factor, o seu personaxe caracterízase pola súa inxenuidade e ignorancia, pola súa fe nas políticas do entón presidente Bush e idolatría ao xornalista conservador Bill O'Reilly. Desde o comezo, foi unha das series máis vistas de Comedy Central. Segundo a revista Time está entre as cen persoas con máis influencia en 2006^[1], e o seu libro I Am America (And So Can You!), foi número un da lista de vendas do New York Times.