Stuxnet

Stuxnet é un verme informático que afecta aos ordenadores con Windows, descuberto o 17 de xuño de 2010 por VirusBlokAda,^[1] unha empresa de seguridade situada en Belarús. É o primeiro verme coñecido que espía e reprograma sistemas industriais, concretamente sistemas SCADA para o control e a monitorización de procesos, e pode afectar infraestruturas críticas como as centrais nucleares.^[2]

Stuxnet
Instancia de Verme informático Rootkit  Parte de operación Olympic Games  Obxectivo nuclear facilities in Iran (en)
Datas  Descuberta / invención xuño de 2010
Identificadores Freebase /m/0dd9hwv
Wikidata C:Commons

Stuxnet é capaz de reprogramar controladores lóxicos programables e ocultar os cambios realizados.​^[3] Tamén é o primeiro verme coñecido que inclúe un rootkit para sistemas PLC reprogramables.^[4]

A empresa rusa de ciberseguridade Kaspersky Lab cualificou Stuxnet nun comunicado de prensa como "un prototipo funcional e terrorífico dunha arma cibernética que levará á creación dunha nova carreira armamentística global". Kevin Hogan, un executivo de Symantec, advertiu que o 60% dos ordenadores infectados polo verme están en Irán, o que suxire que as súas instalacións industriais poderían ser o seu obxectivo.^[5][6] Kaspersky conclúe que os ataques só puideron ocorrer "co apoio dunha nación soberana", o que converte a Irán no primeiro obxectivo dunha verdadeira ciberguerra.

O obxectivo máis probable do verme, segundo medios de comunicación como a BBC ou o Daily Telegraph,^[7][8] podería ter sido unha infraestrutura de alto valor pertencente a Irán e con sistemas de control de Siemens. Medios de comunicación como India Times suxiren que o ataque puido atrasar a posta en servizo da central nuclear de Bushehr.​^[9] Fontes iranianas cualificaron o ataque como "guerra electrónica",^[10] aínda que minimizando o impacto dos danos ás súas instalacións. Algúns medios de comunicación, como o New York Times, atribuíron o ataque aos servizos de intelixencia estadounidenses e israelís.^[11]