Transiting Exoplanet Survey Satellite

Transiting Exoplanet Survey Satellite ou TESS, tamén coñecido como Explorer 95, é un observatorio espacial da NASA lanzado o 18 de abril de 2018 a bordo dun foguete Falcon 9 desde o Centro de Lanzamento de Cabo Cañaveral.^[1][2][4][5]

Transiting Exoplanet Survey Satellite / TESS / Explorer 95
Representación artística de TESS
Tipo	Observatorio espacial
Organización	NASA
Contratistas principais	Instituto de Tecnoloxía de Massachusetts
Data de lanzamento	18 de abril de 2018[1][2][3]
Foguete portador	Falcon 9[2][4]
Sitio de lanzamento	Centro de Lanzamento de Cabo Cañaveral[2][4][5]
Obxectivo da misión	Observatorio espacial.[2][4][5]
NSSDC ID	2018-038A
Masa	365 kg[4][2]
Datos orbitais
Semieixo maior	237 090 km[1]
Inclinación	50,4°[1]
Apoapse	335 985,5 km[1]
Periapse	125 453,7 km[1]
v c e

Características

TESS é un observatorio espacial pertencente ao programa MIDEX da NASA e construído polo Instituto de Tecnoloxía de Massachusetts. A súa misión é estudar todo o ceo mediante un conxunto de telescopios para descubrir exoplanetas en tránsito con tamaños desde similares á Terra ata xigantes gasosos. O obxectivo principal é atopar planetas de tamaño terrestre na zona habitable da súa estrela a menos de 200 anos luz do Sistema Solar.^[1][2][4][5]

O observatorio ten unha masa de 365 kg e usa o bus LEOStar-2. Ten catro cámaras gran angular con CCD que, durante as probas en terra, resultaron desenfocarse lixeiramente ao chegar ás temperaturas que se iban atopar no espazo. A pesar de todo os cálculos mostraron que o lixeiro desenfoque non prexudicaba os obxectivos científicos da misión, polo que o observatorio lanzouse así.^[1][2][4][5]

TESS tiña unha vida esperada de dous anos como mínimo, e levaba propelente para polo menos catro anos. Está nunha fase de misión estendida.^[1][2][4][5]