Tegucigalpa

Tegucigalpa é a capital de Honduras, localízase ó pé do cerro El Picacho nun estreito val formado polo río Grande ou Choluteca, a uns 990 metros sobre o nivel do mar. A súa poboación na área metropolitana en 2006 era de 1.682.725 persoas.

Tegucigalpa

Localización
14°06′21″N 87°12′14″O
Estado	Honduras
Subdivisións das Honduras	Departamento de Francisco Morazán
Municipio	Distrito Central (pt)
Capital de	Distrito Central (pt) Departamento de Francisco Morazán Honduras (1880–)
Poboación
Poboación	1.055.729 (2013) (5.239,35 hab./km²)
Xeografía
Superficie	201,5 km²
Bañado por	Rio Choluteca (pt)
Altitude	990 m
Creación	29 de setembro de 1578 (Gregoriano)
Identificador descritivo
Código postal	11101
Fuso horario	UTC−06:00
Outro
Irmandado con	Cidade de Guatemala Guadalaxara Gainesville Madrid Bogotá Lima Taipei (1975–) Nova Orleáns (1992–) Amán (2002–)
Sitio web	amdc.hn

Tegucigalpa foi fundada por un grupo de españois co nome de Real Villa de San Miguel de Tegucigalpa de Heredia o 29 de setembro de 1578 sobre un antigo poboado indíxena existente. Nesa época a área de Tegucigalpa era un centro de actividade mineira onde se extraía especialmente prata e ouro.

Etimoloxía

A maioría das fontes indica que a orixe e significado da palabra Tegucigalpa deriva da lingua náhuatl.^[1] A versión máis aceptada fai pensar que procede da palabra náhuatl Taguz-galpa, que significa "montes de prata", pero esta interpretación é incerta xa que os indíxenas que ocupaban a rexión daquela descoñecían a existencia de xacementos minerais da zona.