Temis (mitoloxía)

Na mitoloxía grega, Temis (en grego antigo Θέμις Themis, que significa 'lei da natureza’ ^[1]), representa a Xustiza e a equidade; na mitoloxía romana denomínase Iustitia. Era unha das Titánides, filla de Urano (o Ceo) e Xea (a Terra).

Temis (mitoloxía)
Tipo	Titán
Venerado por	mitoloxía grega
Patrón de	Xustiza e xustiza
Parte de Uranids (en)
Semellante a Iustitia (pt)
Obra
Universo ficticio	mitoloxía grega
Representado por Statue of Themis (en)
Biografía
Sexo	muller
Familia
Nai	Xea
Pai	Urano
Cónxuxe	Zeus
Irmá/n	Rea, Xapeto (mitoloxía), Cronos, Hiperión, Tía, Océano e Tetis
Fillo/a	Horas, Epimeteo, Prometeo, Hespérides, Menecio, Adrasteia (en) , Irene (pt) , Dice (pt) , Eunômia (pt) , Astreia (pt) , Cloto, Láquesis, Átropos, Têmides (pt) , Disis (pt) , Auxo (pt) , Thallo (en) , Arctus (en) , Carpo e Acme (pt)
Fontes e ligazóns
Descrito pola fonte Реальный словарь классических древностей по Любкеру, 1885 Q45259203 Pequeno Dicionario Enciclopédico de Brockhaus e Efron Q24748216 The Nuttall Encyclopædia Dicionario enciclopédico de escritorio Q86851131 Grande Enciclopedia Yuzhakov Q77311745 Dicionario Enciclopédico Brockhaus e Efron Q24504865 Encyclopædia Britannica 1911 Encyclopædia Britannica/Themis (en)
[ Wikidata ] [ C:Commons ]

Foi a segunda esposa de Zeus, despois de Metis, do que procreou as Horas, as Moiras (Cloto, Láquesis e Átropos), a virxe Astrea (que personificará a Xustiza) e as Ninfas do Erídano (que axudaron a Heracles a chegar ó país das Hespérides).

"En segundo lugar, [Zeus] casou coa brillante Temis que procreou as Horas, Eunomía, Dike e a florecente Eirene, que protexen os traballos dos homes mortais; e as Moiras, ás que grandísima honra outorgou o prudente Zeus, Cloto, Láquesis e Átropo, que conceden ós homes mortais obter o bo e o malo ."

(Hesíodo: Teogonía 902-906)

Esquilo é a única fonte que recolle a tradición de facela nai de Prometeo.

Mitoloxía

Estatua de Temis atopada en Ramnunte (c. 300 a. C., Museo Arqueolóxico Nacional de Atenas)

Crese que Temis, como personificación da Lei Natural e da Xustiza, aconsellou a Zeus protexerse coa pel da cabra Amaltea na loita contra os Xigantes. Tamén se di que foi ela a que incitou á Guerra de Troia, como solución para paliar a superpoboación da Terra.

Como esposa de Zeus e pola axuda prestada ós deuses ó inventar os oráculos e as leis, vive no Olimpo e está asociada ós Deuses olímpicos. Tamén foi quen ensinou a Apolo a facer augurios, pois ela era quen ostentaba o Oráculo de Delfos -herdado de Xea- antes de cederllo a Febe. Foi ela quen predixo a Atlas que o fillo de Zeus lle roubaría as mazás de ouro das Hespérides. Foi consultada en Delfos por Deucalión e Pirra.

Iconografía

Temis recibiu culto en Grecia: en Ramnunte, na costa da Ática, hai un pequeno templo, de principios do século V a. C., onde se adoraba a Temis e a Némese ^[2]. A estatua de Temis foi obra do escultor Queréstrato.

Adoita representarse coa balanza e a espada, e, na maioría das ocasións, cos ollos vendados, imaxe que hoxe segue simbolizando a xustiza.