Tenma

Tenma (en xaponés, Pegaso^[4]), denominado ASTRO-B antes do lanzamento, foi un observatorio espacial xaponés de raios X pertencente á JAXA. Foi lanzado o 20 de febreiro de 1983 mediante un foguete Mu desde o Centro Espacial de Uchinoura (antes coñecido como Centro Espacial de Kagoshima) e reentrou na atmosfera o 17 de febreiro de 1988.

Tenma (Astro-B)
Tenma / Astro-B
Tipo	Observatorio espacial
Organización	JAXA
Data de lanzamento	20 de febreiro de 1983[1][2]
Foguete portador	Mu (M-3S-3)
Sitio de lanzamento	Centro Espacial de Uchinoura[2]
Duración da misión	5,8 anos[1]
Obxectivo da misión	Observación en raios X
Decaemento	17 de febreiro de 1988[1]
NSSDC ID	1983-011A
Masa	216 kg[2][3]
v c e

Características

Tenma foi o segundo satélite de astronomía de raios X do Xapón e o rango de enerxías que podía observar ían de 0,1 keV a 60 keV. Os seus obxectivo foron a obtención de espectros de fontes de raios X con boa resolución, o estudo das variacións temporais das fontes de raios X, a busca por todo o ceo de explosións de raios X e a observación de fontes de raios X suaves cun telescopio reflector.^[2]

Levaba a bordo catro instrumentos:^[3][4]

• Contadores proporcionais de centelleo de gas
• Telescopio de transformada de Hadamard
• Monitor de raios X para todo o ceo
• Telescopio reflector de raios X

O satélite podía xirar a velocidades de 0,546, 0,137 ou 0,068 revolucións por minuto coa axuda dun volante de inercia. O eixe de xiro podía axustarse mediante torsión magnética.

Resultados

Tenma descubriu a liña de emisión do ferro no disco galáctico, así como noutros corpos, como galaxias de núcleo activo. Descubriu tamén unha liña de absorción a 4 keV no espectro da explosión X1636-536.^[4]