The Modern Lovers

The Modern Lovers foi unha banda estadounidense liderada por Jonathan Richman activa durante os anos 70 e 80. O grupo orixinal existiu de 1970 a 1974 pero as súas gravacións non foron publicadas ata 1976. O grupo contaba con Richman e o baixista Ernie Brooks ao lado do batería David Robinson (despois en The Cars) e o teclista Jerry Harrison (posteriormente en Talking Heads). O son da banda tiña moitas influencias de The Velvet Underground, e adoita a ser clasificado como "protopunk". The Modern Lovers sinalou o camiño a seguir para gran parte da música punk rock, new wave, alternativa e indie rock de décadas posteriores.

The Modern Lovers
Orixe	Natick, Massachusetts,
Período	1970 – 1974 1976 – 1988 (como Jonathan Richman and the Modern Lovers)
Xénero(s)	rock, proto-punk, garage rock
Selo(s) discográfico(s)	Warner Bros. Records, Beserkley Records, Rhino Records
Membros	Jonathan Richman
Antigos membros	The Modern Lovers David Robinson John Felice Rolfe Anderson Ernie Brooks Jerry Harrison Johnathan Richman and the Modern Lovers Bob Turner Greg 'Curly' Keranen Leroy Radcliffe D. Sharpe Asa Brebner Michael Guardabascio Ellie Marshall Beth Harrington Andy Paley Brennan Totten
Artistas relacionados	Talking Heads, The Cars, The Rubinoos, The Velvet Underground, Robin Lane & the Chartbusters
Na rede

Posteriormente, entre 1976 e 1988, Richman usou o nome Modern Lovers para varias bandas de acompañamento, sempre anunciadas como "Jonathan Richman and the Modern Lovers". Eses grupos foron máis tranquilos e de máis baixo perfil que a orixinal, moitas veces case infantil, con cancións baseadas no folk-rock e outros xéneros. Dos compañeiros orixinais de Richman, só Robinson formaría parte noutra destas encarnacións de The Modern Lovers.

Discografía

The Modern Lovers

• The Modern Lovers - 1976
• The Original Modern Lovers - 1981

Álbums ao vivo

• Live at the Longbranch Saloon - 1992
• Precise Modern Lovers Order - 1994
• Live at the Longbranch and More - 1998

Jonathan Richman and the Modern Lovers

• Jonathan Richman and the Modern Lovers - 1976
• Rock 'n' Roll with the Modern Lovers - 1977
• Modern Lovers 'Live' - 1978
• Back in Your Life - 1979
• Jonathan Sings! - 1983
• Rockin' and Romance - 1985
• It's Time For … - 1986
• Modern Lovers 88 - 1988