Three

Three, tamén coñecido como U2 3, é un EP da banda irlandesa de rock U2, publicado en Irlanda o 26 de setembro de 1979 a través do selo CBS Ireland. Trátase do primeiro lanzamento realizado polo grupo.

Three
EP de U2
Data de edición:	26 de setembro de 1979
Lanzamento:	{{{lanzamento}}}
Datas de gravación:	4 - 5 de agosto de 1979
Estudio(s) de gravación:	Windmill Lane, Dublín
Duración:	9:58
Xénero musical:	rock, post-punk
Selo discográfico:	CBS Ireland
Producido por:	U2, Chas de Whalley
Cronoloxía
- Three Boy

Three está formado por tres cancións gravadas nos estudios Windmill Lane de Dublín en agosto de 1979, co A&R do selo Chas de Whalley como produtor. "Out of Control" aparece na cara A, e "Stories for Boys" e "Boy/Girl" na B, e o lanzamento aparece referido tanto como EP como sinxelo. Foi un grande éxito para o grupo, que vendeu as 1 000 copias da edición limitada en vinilo de 12" case inmediatamente. A edición en vinilo de 7" acadou o número 17 da lista de sinxelos irlandesa.^[1]

"Out of Control" e "Stories for Boys" regraváronse o ano seguinte e incluíronse no álbum de estrea da banda, Boy. Three reeditouse para o Record Store Day Black Friday en novembro de 2019 para celebrar o 40 aniversario do seu lanzamento orixinal.^[2]

Listaxe de cancións

Todas as letras escritas por Bono, toda a música composta por U2.

Cara 1
N.º	Título	Duración
1.	"Out of Control"	3:58

Cara 2
N.º	Título	Duración
1.	"Stories for Boys"	2:39
2.	"Boy/Girl"	3:21