TiPS

TiPS (Tethers in Space Physics Satellite) foi unha serie de dous satélites do Laboratorio de Investigación Naval dos Estados Unidos lanzados para estudar o comportamento de masas atadas entre si no espazo.^[1][2]

Características

Os dous satélites TiPS foron lanzados o 12 de maio de 1996 a bordo dun foguete Titan 4 a unha órbita de 1022 km de altura. Unidos por un cable non condutor de 4 km de longo, os dous satélites (denominados Ralph, de 37,7 kg, e Norton, de 10,8 kg) adicáronse a estudar o comportamento do sistema e en espacial a dinámica dos satéllites baixo gradente gravitatorio e a supervivencia do sistema a longo prazo.^[1][2]