Tintoretto

Tintoretto, de nome verdadeiro Jacopo Comin, nado en Venecia o 29 de setembro de 1518 e finado en Venecia o 31 de maio de 1594), foi un dos grandes pintores da escola veneciana e probablemente o último gran pintor do Renacemento italiano. Na súa mocidade tamén recibiu o alcumo de Jacopo Robusti, pois o seu pai defendeu as portas de Padua fronte ás tropas imperiais dun xeito bastante vigoroso. O seu verdadeiro apelido, 'Comin' foi descuberto recentemente por Miguel Falomir, xefe do departamento de Pintura Italiana do Museo do Prado, Madrid, e fíxose público a raíz da retrospectiva de Tintoretto no Prado (2007).^[1]

Tintoretto

Biografía
Nacemento	1519 Venecia, Italia
Morte	31 de maio de 1594 (74/75 anos) Venecia, Italia
Lugar de sepultura	Igreja da Madonna dell'Orto (pt)
Relixión	Igrexa católica
Actividade
Campo de traballo	Pintura
Lugar de traballo	Venecia
Ocupación	pintor, debuxante arquitectónico, artista visual
Membro de	Accademia delle Arti del Disegno
Xénero artístico	Escola veneciana, Renacemento, pintura relixiosa, pintura mitolóxica e alegoría
Movemento	Manierismo e escola veneciana
Catálogo crítico	The complete paintings of Tintoretto (en) (1970)
Profesores	Tiziano e Bonifazio de' Pitati (pt)
Alumnos	Ludovico Carracci
Obra
Obras destacables Miracle of Saint Agnes (en) ../... 37+
Familia
Cónxuxe	Faustina de Vescovi
Fillos	Marietta Robusti, Marco Tintoretto, Domenico Tintoretto
Sinatura
Descrito pola fonte	Teutsche Academie der Edlen Bau- Bild- und Mahlerey-Künste, (sec:Tintoret, Venetianischer Mahler. 167, 167) Het Schilder-Boeck, (sec:Het leven van Iacopo Tintoretto, Veneetsch Schilder, M169) Dicionario Enciclopédico Brockhaus e Efron

A última cea, 1592-1594, Unha das súas últimas obras, cumio do manierismo do autor e á vez naturalistas e fantasmagóricas

Pola súa fenomenal enerxía e empeño á hora de pintar foi alcumado Il Furioso, e o seu dramático uso da perspectiva e os especiais efectos de luz fan del un precursor da arte barroca. Os seus traballos máis famosos son unha serie de pinturas sobre a vida de Xesús e a Virxe María na Scuola Grande dei San Rocco de Venecia.

Traxectoria

Foi un dos máis grandes pintores da escola veneciana e probablemente o último gran pintor do Renacemento italiano. Pola súa fenomenal enerxía pintando foi alcumado Il Furioso, e o uso dramático da perspectiva espacial e os efectos especiais da luz fixérono precursor da arte barroca co seu característico estilo manierista.

Influído por Parmigianino no terreo formal e por Miguelanxo no espiritual a súa orixinalidade amósase en obras como O Lavatorio (1547), pola súa concepción do espazo baleiro e profundo ou no Miragre do escravo (1548), onde unha conmoción de gran violencia axita a todos os personaxes.