Tortullo

O tortullo^[1] (Tricholoma portentosum) é unha especie de fungo basidiomiceto pertencente á familia Tricholomataceae.^[2][3] O corpo frutífero abrolla polo outono e a comezos do inverno asociado a bosques de coníferas e faiais.^[4] En Galiza o apoxeo dáse en novembro e comezos de decembro^[5].

Tortullo
Clasificación científica
Reino: Fungi Filo: Basidiomycota Clase: Basidiomycetes Orde: Agaricales Familia: Tricholomataceae Xénero: Tricholoma Especie: T. portentosum
Nome binomial
'Tricholoma portentosum' (Fr.) Quél. 1821
Sinonimia
Agaricus portentosum Fr. 1821 Gyrophila portentosa (Fr.) Quél. 1886 Melanoleuca portentosa (Fr.) Murrill 1914

Ten un parente achegado que é tóxico: o tortullo dos cabaleiros (Tricholoma equestre), que até hai pouco era apreciado, pero trala morte de dúas persoas por miopatía, pasou a se considerar tóxico.

Morfoloxía do basidioma

Presenta un chapeu cun diámetro de 5 a 15 cm, de forma de campá ou chata, coa cutícula viscosa de cor cinsenta escura, algo máis clara nas marxes.^[2] As lamelas, escotadas, e a estipe son de cor branca cinsenta con reflexos amarelos.