Tratado de Confissom

O Tratado de Confissom é unha obra de carácter pastoral dirixida a sacerdotes coa responsabilidade de administrar o sacramento da penitencia, é dicir, a confesión.^[1]

Tratado de Confissom
Autor/a	Descoñecido
Orixe	Reino de Portugal
Lingua	galego-portugués
Editorial	Imprenta de Chaves
Data de pub.	Agosto de 1489
Primeira edición galega
Data de pub.	1489
[ editar datos en Wikidata ]

Impreso en Chaves en agosto de 1489, trátase do primeiro libro coñecido impreso en galego-portugués, e por tanto o primeiro en lingua portuguesa e en lingua galega. Foi descuberto en 1965 por Tarcísio Trindade, un libreiro de Alcobaça. Pina Martins publicouno nunha edición diplomática en 1973 cun estudo introdutorio.^[2] En 2003 foi obxecto dunha edición semidiplomática e dun estudo lingüístico, realizado por José Barbosa Machado.

Descoñécese o seu autor, quizais debido a que ao único exemplar existente (Biblioteca Nacional de Lisboa) lle falta a portada.

Edificio da Biblioteca Nacional de Portugal, que alberga o único exemplar conservado do Tratado.

A presenza de varios castelanismos no texto fai sospeitar que a obra é a tradución dunha obra castelá previamente non identificada, ou traducida ao galego-portugués por castelanfalantes, en liña con que os primeiros editores no reino de Portugal chegaran da coroa de Castela.^[3]