Universidade de California, San Francisco

A Universidade de California, San Francisco (UCSF) é unha das universidades do sistema da Universidade de California, localizada na cidade de San Francisco.

Universidade de California, San Francisco
San Francisco
Tipo	universidade e institución educativa pública dos Estados Unidos
Parte de	Universidade de California
Persoas e organizacións
Matriz	Universidade de California
Fundador/a	Hugh Toland
Presidente/a	Francis A. Sooy
Cadro de persoal	13.713
Número estudiantes	3.180
Datas
Fundación	1873
Localización
37°45′46″N 122°27′29″O
Situado en	San Francisco
Sede	San Francisco
Código postal	94143-0244
Enderezo	500 Parnassus Ave, San Francisco, CA 94143-0244
Membro de
Membro de (outubro de 2023)  ORCID (2021)  arXiv  Dryad (en)  Higher Education Leadership Initiative for Open Scholarship (en)  Open Education Network (en)  Scholarly Publishing and Academic Resources Coalition (en)  Council on Governmental Relations (en)
Composto por
Composto por  Biblioteca da Universidade de California en San Francisco  Toland Hall
Fontes e ligazóns
Páxina WEB	ucsf.edu
Redes
Descrito pola fonte Medvik
[ Wikidata ] [ C:Commons ]

Historia

A Universidade de California en San Francisco remonta a súa historia a Hugh Toland, un cirurxián de Carolina do Sur que tivo un grande éxito e riqueza despois de mudarse a San Francisco en 1852.^[1] Unha escola anterior, o "Cooper Medical College" da Universidade do Pacífico (fundada en 1858), entrou nun período de incerteza en 1862 cando morreu o seu fundador, Elias Samuel Cooper.^[2]

En 1864 Toland fundou unha nova Escola de Medicina, "Toland Medical College", e a Facultade do "Cooper Medical College" optou por suspender as operacións e unirse á nova Escola.^[3]

A Universidade de California foi fundada o 23 de marzo de 1868, coa promulgación da súa Lei Orgánica. A Sección 8 da Lei Orgánica autorizou ao Consello de Rexentes a afiliar á Universidade de California a colexios profesionais independentes e autosuficientes.^[3][4] En 1870, a Facultade de Medicina de Toland comezou a negociar unha afiliación á nova universidade pública.^[5]

En marzo de 1873, os administradores do "Toland Medical College" trasladárono aos rexentes da Universidade de California, e converteuse no Departamento de Medicina da Universidade de California.^[2]

Actividades

A misión de UCSF é a de servir como unha "universidade pública dedicada a salvar vidas e mellorar a saúde." O Centro Médico da UCSF está continuamente clasificado entre os 10 mellores hospitais dos Estados Unidos por US News & World Report, que tamén clasificou o seu programa de coidado médico para a SIDA en primeira posición no país.

Entre os dez campus da Universidade de California, é o único dedicado exclusivamente á educación de posgrao en Ciencias da Saúde e Biomedicina.^[6][7][8][9]

Está recoñecida como unha das grandes facultades de Medicina dos Estados Unidos.

Algúns dos centros de tratamento da UCSF inclúnen transplantes de ril e de fígado, radioloxía, neurocirurxía, neuroloxía, oncoloxía, oftalmoloxía, terapia xénica, saúde da muller, cirurxía fetal, pediatría e medicina interna.

Tamén é coñecida porque o seu investigador e profesor Stanley B. Prusiner, director do Instituto de Enfermidades Neurodexenerativas da Universidade, descubriu en 1982 os prións, causantes, entre outras, da enfermidade de Creutzfeldt-Jakob e da enfermidade das vacas tolas (encefalopatía esponxiforme bovina),^[10] polo que, en 1997 foille outorgado o Premio Nobel de Fisioloxía ou Medicina.^[10]