Verso libre

O verso libre é unha forma de poesía que non emprega un metro ou rima regular,^[1] seguindo o ritmo da fala natural ou irregular. O concepto abarca unha gran variedade de formas poéticas, e a distinción entre verso libre e outros xénero literarios (como a prosa) adoita ser ambigua.^[2][3]

Poema en verso libre de Manuel Antonio, incluído no seu libro De catro a catro (1928)

Historia

Malia a existencia de exemplos anteriores (por exemplo, a meirande parte da obra de Walt Whitman),^[2] adóitase considerar que o verso libre é unha innovación das primeiras décadas do século XX, sobre a base do vers libre francés de finais do século XIX.^[2][4]