Vic

Vic^[1] é unha cidade e concello catalán situado no interior da provincia de Barcelona, que é capital da comarca de Osona. En 2012 tiña 41.191 habitantes.

Vic

Brasón
Localización
41°55′49″N 2°15′16″L
Estado	España
Comunidade autónoma	Cataluña
Ámbito funcional territorial	Comarques Centrals
Comarca	Osona
Capital de	Osona
Capital	Vic (en)
Contén a división administrativa	Vic (en)
Poboación
Poboación	49.530 (2024) (1.618,63 hab./km²)
Número de fogares	614 (1553)
Lingua oficial	lingua catalá
Xeografía
Parte de	Mancomunidade de Concellos da Comarca de Osona
Superficie	30,6 km²
Bañado por	Gurri (en) e Mèder (en)
Altitude	498 m
Comparte fronteira con	Gurb Malla Muntanyola Santa Eulàlia de Riuprimer Santa Eugènia de Berga Folgueroles Calldetenes Sant Bartomeu del Grau
Santo padrón	de Sanctis, Heiliger Michael
Organización política
• Alcalde	Albert Castells (pt) (2023–)
Identificador descritivo
Código postal	08500
Fuso horario	UTC+01:00
Código INE	08298
Código territorial IDESCAT	082981
Outro
Irmandado con	Somoto (pt) Torredonjimeno
Sitio web	vic.cat

Xeografía

Atópase no medio dunha planicie que leva a seu mesmo nome Plana de Vic, equidistante de Barcelona e Francia.

É famosa pola súa persistente néboa no inverno provocada por un notable fenómeno de inversión térmica capaz de favorecer mínimas de até -10 °C e máximas próximas aos 0 °C nos episodios máis notables. No verán as tormentas son moi habituais até o punto de inverter o mínimo de precipitacións propio dos climas mediterráneos e favorecer a presenza de especies vexetais coma o carballo pubescente propias dos climas submediterráneos.

Historia

Durante os séculos VIII e IX, Vic estivo nas marcas que dividían as forzas francas das islámicas. No ano 1027, o bispo de Vic estableceu a "Paz e Tregua de Deus" que axudou a diminuír as guerras privadas. Durante o século XVII, a cidade foi un dos primeiros focos de rebelión contra a política centralista do rei Filipe V, conflito que terminou converténdose na Guerra de Sucesión.

Na década de 1940 o municipio absorbeu a poboación de Sentfores ou La Guixa.

Demografía

Evolución demográfica

1900	1930	1950	1970	1981	2000	2008
12.105	15.005	16.975	25.906	30.057	31.533	38.964

Economía

As explotacións gandeiras e as industrias transformadoras do sector primario conviven cun tecido industrial moi diversificado, e cun sector comercial e de servizos en crecemento. É así mesmo cidade universitaria, o que a converte nun núcleo estudantil moi activo que recibe estudantes de toda a comarca de Osona e doutras do interior de Cataluña, sen esquecer un bo número de habitantes da área de Barcelona que acoden á cidade en tren. O seu armazón peonil de rúas no centro histórico está poboado de bares, restaurantes, asociacións, talleres e oficinas que demostran a súa vitalidade económica.

Desde 1989 organiza anualmente o "Mercat de Música Viva de Vic", unha das feiras musicais máis importantes. É unha cidade de Feiras e Mercados, o máis tradicional dos cales é o Mercat do Ram.

Na cidade ten a súa sede a Universidade de Vic.

Localidades irmandadas

• Somoto
• Torredonjimeno (2010)

Galería de imaxes

• 
  Templo romano.
• 
  Homenaxe á Pau i treva, e campanario da catedral de Vic.