XV dinastía exipcia

A décimo quinta Dinastía de Exipto (XV dinastía) gobernou durante o Segundo período intermedio de Exipto, entre o 1650 a. C. e ca. 1550 a. C.. A capital da dinastía foi probablemente Avaris.

XV dinastía exipcia

Localización
Xeografía
Parte de	Segundo Período Intermedio
Datos históricos
Precedido por	XIV dinastía exipcia
Creación	1650 a. C.
Disolución	1550 a. C.
Sucedido por	XVI dinastía exipcia

As dinastías XV, XVI e XVII do antigo Exipto combínanse a miúdo baixo o título do grupo, Segundo período intermedio de Exipto. A XVª dinastía data aproximadamente do 1650 ao 1550 a.C.^[1] A dinastía era allea ao antigo Exipto, fundada por Salitis, un hicso de Asia occidental cuxa xente invadira a país e conquistou o Baixo Exipto.

Faraóns

Os gobernantes coñecidos da XV dinastía son os seguintes:^[2]

Décimo quinta dinastía

Nome	Datas e comentarios
Salitis	Mencionado por Manetón como primeiro faraón da dinastía, actualmente non identificado con ningunha persoa testemuñada arqueoloxicamente.
Semqen	Mencionado na lista real de Turín. Segundo Ryholt, foi un dos primeiros gobernantes hicsos, posiblemente o primeiro faraón da dinastía,[2] von Beckerath asignao á XVI dinastía.[3]
Aperanat	Mencionado na lista real de Turín. Segundo Ryholt, foi un dos primeiros gobernantes hicsos, posiblemente o segundo faraón da dinastía[2] von Beckerath asignao á XVI dinastía.[3]
Sakir-Har	Nomeado como un dos primeiros faraóns hicsos nunha xamba atopada en Avaris. A orde real é incerta.
Iannas
Apofis	c. 1590? a.C.-1550 a.C.
Camudi	c. 1550-1540 a.C.

A XV dinastía de Exipto foi a primeira dinastía Hicsos, gobernada desde Avaris, sen control de todo o territorio. Os hicsos preferiron quedar no norte de Exipto xa que se infiltraron desde o nordés. O nome e orde dos faraóns é incerto. A lista real de Turín indica que había seis faraóns Hicsos, cun escuro Camudi que figura como derradeiro faraón da XV dinastía.

Nome Común	Comentarios	Reinado[4]
Salitis	–	1630–1615
Bnon	–	1615–1602
Apacnan	–	1602–1594
Iannas	–	1594–1574
Apofis I	–	1574–1534
Apofis II	–	1534–1525
Camudi	–	1525

Gobernantes da xv dinastía nos antigos textos

Nome de Nesut-Bity	Nome de Sa-Ra	Flavio Xosefo	Anos	Xulio Africano	Anos	Xurxo Sincelo	Anos
Sejaenra	Sharek	Salitis	19	Saites	19	Silites	19
Maaibre[5]	Sheshi	Bnon	44	Bnon	44	Baion	44
Meruserra	Yaqebhor	Apacnan *	37	Pacnan	61	Apacnas	36
Seuserenra	Jyan	Iannas *	50	Staan	50	Sethos	50
Aauserra	Apepi	Apofis	61	Afofis *	61	Aiofis	61
Nejyra	Camudi	Assis	49	Arcles *	49

Nota: Escritos en orde inverso (*)

Cronoloxía da XV dinastía

Cronoloxía estimada polos seguintes exiptólogos:

• Primeiro faraón: Salitis
  • 1630-1615 (Franke)

• Derradeiro faraón: Camudy
  • 1565-1555 (Redford)
  • 1545-1535 (Dodson)
  • 1541-1540 (Ryholt)
  • c.1525 (von Beckerath, Helck)

Véxase tamén: Cronoloxía do Antigo Exipto.

Cronograma do segundo período intermedio de Exipto

Xois	Avaris	Baixo Exipto	Exipto Medio	Alto Exipto	Baixa Nubia
			XIII dinastía exipcia
XIV dinastía exipcia
	XV dinastía exipcia
Dominio dos Hicsos		XVI dinastía exipcia		Dominio dos Hicsos
					Dinastía Kushita
				XVII dinastía exipcia

Número de faraóns chamados Apofis

Algúns estudosos sosteñen que había dous faraóns Apophis chamados Apofis I e Apofis II, pero isto débese principalmente a que hai dous coñecidos prenomens para este faraón: Awoserre e Aqenenre. Non obstante, o exiptólogo danés Kim Ryholt sostén no seu estudo do Segundo período intermedio que estes prenómes fan referencia a un home: Apopi I, que gobernou Exipto durante máis de 40 anos.^[6] Isto tamén se apoia no emprego deste faraón dun terceiro prenome durante o seu reinado: Nebkhepeshre.^[7] Apopi probablemente empregou diferentes prenomes ao longo de varios períodos do seu reinado. Este escenario non está exento de precedentes ou paralelos, xa que se sabe que varios faraóns, entre eles o famoso Ramsés II, e Seti II, empregaron dous prenomes diferentes durante os seus reinados.