Xosé Cid Menor

Xosé Cid Menor, nado en Santa Cruz da Rabeda (San Cibrao das Viñas) o 4 de agosto de 1946, é un escultor galego.

Non confundir con Xosé Cid Cabido.

Xosé Cid Menor

Biografía
Nacemento	4 de agosto de 1946 (79 anos) Santa Cruz da Rabeda, España
Actividade
Ocupación	escultor
Influencias	Manuel García de Buciños
Obra
Obras destacables (1995) Breogán
Sinatura

Traxectoria

Autodidacta, reside en Taboadela^[1] e é pai do tamén artista Rosendo Cid Menor.

Relaciónase a súa obra coa dos membros do grupo O Volter e coa do escultor Manuel García de Buciños.

En 2020 recibiu o premio Celanova Casa dos Poetas, da Fundación Curros Enríquez.^[2]

Obra pública

A Santa Eufemia da fachada da igrexa homónima de Ourense é obra de 1985 de Xosé Cid.

• Monumento ó Afiador en Santiago de Compostela, 1974.^{[Cómpre referencia]}
• Escultura en pedra na Facultade das Ciencias Económicas e Empresariais da USC, 1980.
• Monumento a San Rosendo en Entrimo, 1981.
• Santa Eufemia da fachada da igrexa homónima de Ourense, 1985.
• Monumento a San Rosendo, Ourense, 1985
• Escultura na praza Paz Nóvoa, Ourense, 1986.
• Monumento a Concepción Arenal en Ferrol, 1987.
• Monumento á Xuventude no colexio Casas do Vento da Coruña, 1987.
• Grupo escultórico no colexio de Melón, 1988.
• Monumento a San Mamede en Montederramo, Ourense, 1989.
• Grupo escultórico no Polígono das Lagoas, Ourense, 1990.
• Monumenta ao cura poeta Ramón María en Soutopenedo, 1991.
• Tres esculturas en pedra no Instituto Nacional de Educación Física de Oleiros, 1992.
• Monumento á familia en Taboadela, 1994.
• Monumento a Breogán preto da Torre de Hércules da Coruña, 1995.
• “Sicut Inquirentes in Carbonem” no Instituto de Carboquímica do CSIC, Zaragoza, 1995.
• Home da Rabeda no Parque Miño, Ourense, 1996.
• Camiñantes na avda. de Santiago, Ourense, 1997.
• Monumento ao emigrante en Beariz, 1997.
• Monumento ao afiador, Ourense, 1998.
• Monumento á castañeira, Ourense, 2001.
• Guerreiro Gardián no Pazo de Vilamarín, Ourense, 2002.
• Monumento ó Cabalo, Centro Ecuestre de Antela, Ourense, 2005.
• Monumento a Eduardo Blanco Amor en Ourense, 2007.
• Nimbos de Luz, homenaxe a Xosé María Díaz Castro na Ínsua dos Poetas en Madarnás, O Carballiño

Galería de imaxes

• 
  A Concepción Arenal en Ferrol, 1987.
• 
  Breogán, preto da Torre de Hércules, 1995.
• 
  A Castiñeira, Ourense, 2001.
• 
  Guerreiro Gardián, no Pazo de Vilamarín, 2002.
• 
  Eduardo Blanco Amor en Ourense, 2007.
• 
  Ramón María Blanco González en Soutopenedo (San Cibrao das Viñas), 1991.