Xubi

Xubi é unha mascota galega empregada para promocionar o camiño de Santiago e o Ano Xacobeo. Foi creada en 2010 cando substituíu a anterior mascota, Pelegrín.^[1]

Xubi
Instancia de mascota
Obra
Creador/a Alberte Permuy
[ Wikidata ]

Características

Foi deseñada por Alberte Permuy para a Fundación Ad Sanctum Iacobum Peregrinatio, vinculada á igrexa polo arcebispado de Santiago de Compostela,^[2][3] a cal recibiu 800 000 euros da Xunta de Galicia para desenvolver o proxecto.^[4]

A súa simboloxía representa a unión de dous dos símbolos do camiño, como son o bastón e a cabaza, combinadas para facer unha personaxe de cor azul e verde, e calzada cunhas zapatillas azuis e vermellas. O nome de Xubi deriva do vocábulo xúbilo, facendo un xogo de palabras co xubileu.^[5]

No seguinte Ano Xacobeo (2021) foi substituído por Cunchiña.^[6]