Zostera

Zostera, as zosteras^[1] é un pequeno xénero de plantas acuáticas pertencente á familia Zosteraceae. Contén dezaseis especies. Non son verdadeiras algas verdes, porén en galego son comunmente coñecidas coma cebas^[2]. (do xermánico: se: mar ou encoro, e blum: flor; "flor do mar"^[3])) ou xebras, nomes comúns dados a especies de algas verdes empregadas coma argazo fertilizante. Son abundantes na beiramar galega.

Para outras páxinas con títulos homónimos véxase: Ceba.

Cebas (xénero Zostera)
ceba (Zostera marina)
Clasificación científica
Reino: Plantae División: Magnoliophyta Clase: Liliopsida Orde: Alismatales Familia: Zosteraceae Xénero: Zostera
Distribución de todas as especies do xénero. Distribución de todas as especies do xénero.
Especies
Véxase no texto

Descrición

As cebas atópanse nos substratos areentos ou nos esteiros, mergulladas ou a boiar parcialmente. A maioría das especies de zosteras son perennes e teñen longas e brillantes follas coma fitas de cor verde de 1 cm de largo e moitos de longo. Os seus curtos caules agroman dun rizoma abrancazado. As flores atópanse enclaustradas nas vaíñas das follas da base. Os froitos poden flotar. Non son en verdade algas: pertencen ao reino das plantas, son espermatofitas e anxiospermas.

Zostera son importantes para a deposición de sedimentos, estabilización de substratos e coma substrato de algas epífitas e de micro invertebrados, e coma abeiro de moitas especies de peixes de importancia económica.

Especies

Zostera angustifolia

Zostera asiatica

Zostera caespitosa

Zostera capensis

Zostera capricorni

Zostera caulescens

Zostera chilensis

Zostera japonica

Zostera marina - ceba común, zostera, golfe, xebra, lavanqueiro, paniño

Zostera mucronata

Zostera muelleri

Zostera nigricaulis

Zostera noltii

Zostera novazelandica

Zostera polychlamys

Zostera tasmanica