aberto

Adxectivo

aberto (ms: aberto; mpl: abertos; fs: aberta; fpl: abertas)

1. Separado ou fóra da abertura a través da cal impedía o paso.
   • Exemplo: Deixei a porta aberta.
     

1. • Antónimos: pechado.
2. Que non está rodeado ou cercado de valados, muros, etc.
   • Exemplo: Aquela leira aberta é do meu xenro.
     

1. De gran extensión e sen obstáculos.
   • Exemplo: Sen darnos de conta, xa navegabamos a mar aberto.
     

1. • Sinónimos: amplo, extenso.
2. Sen edificios ou árbores que dificulten a visión.
   • Exemplo: A urbanización conta con grandes espazos abertos.
     

1. [Edificio] con xente vivindo nel.
   • Exemplo: Na aldea aínda quedan algunhas casas abertas.
     

1. • Sinónimos: habitado.
2. (Figurado) Con facilidade para relacionarse cos demais.
   • Exemplo: É un home moi aberto.
     

1. (Figurado) Que acepta con facilidade as ideas novas, os costumes, etc.
   • Exemplo: É unha rapaza con sorte, ten uns pais moi abertos.
     

1. • Sinónimos: tolerante.
2. (Fonética) [Vogal] que se pronuncia separando a lingua do padal, de maneira que queda máis abertura para a saída do aire.
   • Exemplo: «Óso» pronúnciase con «o» aberto, e «oso», con «o» pechado.
     

1. (Medicina) Exposto ao aire, sen cubrir pola pel.
   • Exemplo: Fractura aberta.
     

1. (Veterinaria) [Cabalo] que marcha defectuosamente, a consecuencia de lesións do aparello locomotor.
   • Exemplo: Aberto de diante.
     

Termos relacionados

• Aberto de detrás, aberto de diante, aberto de man, aberto de peito, ambiente aberto, andar cos oídos abertos, andar cos ollos abertos, en aberto, forma cristalográfica aberta, fractura aberta, nevar no aberto, quedar coa boca aberta.