Dom Casmurro

Dom Casmurro ha'e peteĩ tembiasagua'u ohai va'ekue Machado de Assis, ojeikuaauka 1899 jave Livraria Garnier rupive. Ijapohára ohai oikuaauka hag̃ua arandukápe, upéva ningo ojehu 1900 jave, umi aranduka hesa'ỹijohára he'i ko arandukágui ha'e peteĩ umi mbohapýgui "Trilogia Realista" mba'éva, mbohapy aranduka ojapo va'ekue Machado de Assis ohaikuévo añetegua rekópe, Memórias Póstumas de Brás Cubas (1881) ha Quincas Borba (1891) yképe.^[1] Ne'ĩra osẽ ko aranduka avañe'ẽme.

Aranduka Dom Casmurro rogue tenondeguáva, 1900.

Ava tenondegua hína Bento Santiago, tembiasa omombe'úva, hembiapokuére oheka "ombojoaju hekove ijapýra mokõi" (atar as duas pontas da vida),^[2] he'ise, ombojoajuse hembiasa imitãrusúrõguare ára peve ohaívo iñaranduka. Bento ohai imitãrusu rehegua mandu'akuéra, oikórõguare pa'irã rógape, Capitu-pe ohayhúrõguare ha hakate'ỹrõguare hese, upéva ningo mba'e tenondeguave ko mombe'úpe.^[3] Tembiasa oiko táva Rio de Janeiro-pe, oisãmbyhy aja mburuvicha guasu Dom Pedro II, oñepyrũ oñembohéra rire mombe'uhárape "Dom Casmurro", karai heko ha'eñóva ha kirirĩva, upégui ou aranduka réra.

Ára pukukuévo, Dom Casmurro, oñe'ẽvo mborayhu rakate'ỹgui, Capitu py'areko hetávagui, ára ohasamáva jeroviapýgui ha mombe'uhára rekoteégui, oiko ichugui mba'e hetaite oñemoarandúva, oñembohasa heta ñe'ẽme ha ichugui ojejapo ta'ãngamýi, aranduka ha ñehesa'ỹijo. o livro influenciou os escritores John Barth, Graciliano Ramos e Dalton Trevisan ha oĩ he'íva, ndaha'éirõ Memórias Póstumas de Brás Cubas, kóva hína Machado hembiapokue tuichavéva.^[4] Dom Casmurro heta ñe'ẽme oñembohasa va'ekue, ha ko ára peve ojejuhu umi arandu herakuãporãvéva apytépe Brasil ñe'ẽporãhaipyrépe.^[5]