Kapi'i

Kapi'i (Poaceae) ha'e ka'avo atyguasu jepivénte ha'ỹigui ojejapóva hu'itĩrã. Ko atýpe jajuhu 820 aty ambuéva ha amo 12 100 ka'avo juehegua,^[2] kapi'i aty niko upe orekovéva ka'avo juehegua ipýpe irundyha, jepémo upe tuichamba'evéva yvypórape guarã.^[3] Añetehápa, yvypóra ho'uite kapi'i opaichagua, taha'e ha'éva hu'itĩrã ramo ha umi mba'e oñeguenohẽva chugui, ha'eháicha hu'itĩ ha ka'avo ñandyry, térã ojeiporu mymba rembi'urã ramo, omongarúvo mymbakuéra oguenohẽ chugui so'o, kamby ha ryguasu rupi'a.

Kapi'i
Avatimirĩ
Tekovekuaaty ñemohenda
Tavetã:	Plantae
Pehẽ'a:	Magnoliophyta
Jueheguasã:	Liliopsida
Subclase:	Commelinidae
Tekovety:	Poales
Juehepehẽ:	Poaceae Barnhart (= Gramineae Juss., nom. cons.)[1]
[editar datos en Wikidata]

Kapi'ikuéra apytépe jajuhu ka'avo opaichagua okakuaáva oparupi. Umi ojekuaavéva ha ojeporuvéva apytépe jareko takuare'ẽ, avatimirĩ (trigo), arro, avati, sorgo, seváda, avéna, senténo ha vambu.