Noruéga
From Wikipedia, the free encyclopedia
Remove ads
Noruéga (Noruegañe'ẽme: bokmål: Norge; Noruegañe'ẽ nynorsk: Noreg; sámi yvatevogua: Norga), héra tee Tavetã Noruéga, ha'e peteĩ tetã hekosãsóva oĩ Yvate Európape,[8] iñesãmbyhy ojejokuáiva porokuái peteĩme amandajerapépe ha jekopytyjojápe rupive. Ijyvy apekue oñemohenda 11 tetãvore rupive (ojehero chupekuéra fylke) ha itavusu hína Óslo.
Tetã Suésia, Hĩlándia ha peteĩ Rrúsia yvy pehẽngue ndive, omohenda hikuái pe Ekandinávia yvyapy. Ambue hendáicha, Noruéga, Suésia ha Ndinamáka, umíva niko omohenda pe yvy ojeheróva Ekandinávia. Umi ypa'ũ Svalbard ha Jan Mayen oĩ Noruéga poguýpe. Ijerére ojejuhu yvate gotyo pe para Barents, yvate kuarahyresẽ ngotyo Rrúsia ha Hĩlándia, kuarahyresẽ ngotyo Suésia, ñemby gotyo ojejuhu ypo'i Skagerrak ha kuarahyreike gotyo pe paraguasu Atlántiko. Y rembe'y Atlántikope pukukuévo, ojehecha Noruégape hetaite yvyty kytĩmbyre parápe (ojeheróva fiordo), umíva niko mba'erechaukaha ko tetãme. Opa guive Ñorairõ Guasu Mokõiha, Noruéga okakuaa pya'eite ha ko'ágã ojejuhu umi tetã mba'ehetavéva apytépe.
Iñe'ẽ tee hína Noruegañe'ẽ —ikatúva ojehai mokõihápe: bokmål ha nynorsk rupive—, peteĩ umi ñe'ẽ nordikokuéra ojoguáva Ndinamakañe'ẽ ha Suesiañe'ẽ. Umi oñe'ẽkuaáva Noruéga ha Suésia ñe'ẽ ojokupytykuaa, hasymi katu ichupekuéra oikuaapa pe Ndinamakañe'ẽ.[9]
Remove ads
Mandu'apy
Joajuha
Wikiwand - on
Seamless Wikipedia browsing. On steroids.
Remove ads