Tekoiterape

Tekoiterape hína pe tekorã hekopete ñemohenda ^[2] yvypóra rekógui oikóvo avano'õme, tekojoja guýpe ha tekoitépe, he'iháicha tekome'ẽha.^[3]

• Ku tekoiterape añetegua (derecho objetivo) tekorã tekombojojaha aty: opaite umi teko me'ẽ, tembiapoukapy ha tekorã, ipota'ỹme ha itapiagua, Tetã hína ojapo omombarete hag̃ua avano'õ ñemoĩ porã. Añetehápe, ku tekoiterape oheka avano'õ oikotaha tekojoja, jakupyty ha joja guýpe.

• Ku tekoiterape ijysajakuaa'ỹva ("derecho subjetivo" térã "abstracto") hína mba'e yvypóra oguerekóva ha'eha tekove rehe: opaite umi mba'e Tetã rekojoja ohechakuaa yvypóra oguerekotee (techapyrã: Tekoiterape ohupytývo tekombo'e, tekoiterape ohupytývo tesãi ha ambuéva).^{[4][5][6][7][8]}

Upe tupã hérava Iustitia ra'anga (tekojoja) oguereko mbohapy mba'e tekoiterape pegua: kyse puku he'iseha Tetã hína imbaretete ojapo tekorã hag̃ua; mba'era'ãha he'ise tekoiterape hína heko vava'ỹ; ha upe ao pehẽ hesáre he'ise ha'e noĩriva avave ykére.^[1]

Avano'õme niko tekoiterape oñepyrũ ha ojekakuaa. Yvypóra oikoveséramo avano'õme, toiko va'erã tekoiterape. Opamba'e yvypóra ojapo avano'õme oĩ va'erã tekoiterape guýpe.