planaid neughrianagh From Wikipedia, the free encyclopedia
She planaid neughrianagh ooirragh eh TRAPPIST-1e, ta enmyssit chammah myr 2MASS J23062928-0502285 e. Rere glout, t'eh cosoylagh rish y Chruinney as t'eh cruinlaghey çheusthie jeh cryss vaghagh y rollage chrivassanagh feer-feayr TRAPPIST-1 mysh 40 sollys-vleeantyn (12 parsecyn; 380 trillioonyn dy chilomeaderyn; 240 trillioonyn dy veeillaghyn) voish y Chruinney ayns co-hollys rollageagh yn Ymmyrkagh Ushtey. Ren rollageyderyn feddyn magh y planaid liorish yn aght tessenagh, raad ta rollageyderyn jannoo towshan yn cowrey dullyr ta taghyrtyn as y planaid goll beealloo yn rollage.
TRAPPIST-1e | |
---|---|
Sorçh | planaid neughrianagh |
Date feddyn magh | 22 Toshiaght Arree 2017, Fodreayrtan Spoar Spitzer |
Aght feddyn magh | aght tessenagh[1] |
Moir-red | TRAPPIST-1 |
Co-hollys rollageagh | yn Ymmyrkagh Ushtey |
Amm | J2000.0 |
Fysserree fishigagh | |
Essyl lieh-vooar a | 0.02925 AU[2] |
Corrid e | 0.0051[3] |
Amm cruinlagh P | 6.099043 ± 0.000015 l[4] |
Cleayn i | 89.793 °[2] |
Troyn fishigagh as rollageagh meadragh | |
Craue raadeeoil | 0.92 Earth radius (en) [5] |
Glout | 0.692 M🜨[5] |
Parallax | 80.4512 mas[6] |
Kiart-ghleashaght (cleaney) | −479.403 mas/y [6] |
Kiart-ghleashaght (kiart-irree) | 930.879 mas/y [6] |
Kiart-irree (α) | 23h 6m 29.3684s[6] |
Jee-chleayney (δ) | -5° -2′ -29.0317″[6] |
Catalogyn rollageydagh | |
K2-112e (K2 Confirmed Names (en) ) EPIC 246199087e (Ecliptic Plane Input Catalog (en) ) TIC 278892590e (TESS Input Catalog (en) ) |
Va'n planaid neughrianagh feddynit mastey shiaght shiaght planaidyn neughrianagh noa ta cruinlaghey yn rollage liorish sooillaghtyn voish Fodreayrtan Spoar Spitzer.[7][8] Ta tree planaidyn as ny shiaght (e, f, as g) soit 'sy chryss vaghagh.[9][10] Ta TRAPPIST-1e cosoylagh rish y Chruinney rere glout, crantessen, trimmid, ym-hayrn, çhiassid, as flusk rollageagh.[11][4] T'eh shickyrit chammah dy vel aeraght seyr voish bodjallyn lesh hiddragien s'earrooagh. Rere shen, s'liklee dy vel aeraght chumir echey gollrish ny planaidyn ooiragh ayns Corys ny Greiney.[12]
Ayns Mee Houney 2018, ren ronseyderyn cronnaghey dy nee TRAPPIST-1e y planaid 'sy chorys TRAPPIST ta ny smoo cosoylagh rish y Chruinney as dy vel eh liklee dy nee planaid mooiragh t'ayn.[13] Chammah's shen, ta TRAPPIST-1e coontit mastey ny planaidyn as jargaght yn yn-vaghey s'yrjey echey.[14]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.