Antrapoaylleeaght

She antrapoaylleeaght yn studeyrys oaylleeagh er y çheelnaue, bentyn rish aghtys deiney, bea-oaylleeaght deiney, cultooryn, sheshaghtyn, as çhengoayllaaght, jiu as 'sy traa hie shaghey, goaill stiagh deiney shenn-emshiragh.^[1] Ta'n antrapoaylleeaght heshoil jannoo studeyryssyn er yn aghtys, choud's ta'n antrapoaylleeaght chultooragh jannoo studeyryssyn er y veanal chultooragh, goaill stiagh normyn as leaghyn;^[1] ta'n çhiarrym antrapoaylleeaght hesh-chultooragh ymmydit dy mennick jiu. Ta'n antrapoaylleeaght hengoaylleeagh jannoo studeyryssyn er y ghlare as yn aght dy vel eh cleayney er y vea heshoil. Ta'n antrapoaylleeaght vea-oaylleeagh ny ishigagh jannoo studeyryssyn er lhiassaghey bea-oaylleeagh ny deiney.^[1]

Sleih Yao, Malawi

Ta'n çhenndaaleeaght, enmyssit dy mennick myr "antrapoaylleeaght y traa hie shaghey," jannoo studeyryssyn er jannooyn deiney trooid shirrey magh as ronsaght yn eanish ishigagh. T'eh coontit myr banglane yn antrapoaylleeaght ayns America Hwoaie as 'syn Aishey, ga dy vel eh coontit myr keird er lheh ny goit stiagh fo keirdyn elley, lheid as y shennaghys as y çhenn-ontoaylleeaght.