Nalbin

Ta Nalbin (Baarle / Baarle Albinagh: Scotland, Gaelg Albinagh: Alba) ny çheer ta soit er y hrass my hwoaie jeh'n Vretyn Vooar. T'ee ny cooid jeh'n Reeriaght Unnaneysit as t'ee çhemmit liorish Sostyn da'n jiass. T'ee çhemmit liorish Mooir Hostyn da'n shiar, y Cheayn Sheear da'n twoaie as da'n sheear, as Mooir Vannin as Ammyr ny h-Albey da'n sheear yiass. Chammah as y vooar-heer, ta Nalbin jeant seose jeh ny smoo na 790 ellanyn, cur Ellanyn y Twoaie as Inshyn Goal 'syn earroo.

She yn çheer 'syn Oarpey Heear Hwoaie bun-chooish y duillag shoh. My vel anaase ayd ayns y çheer Valkanagh, lhaih yn Albaan.

Nalbin Scotland (Baarle/Baarle Albinagh) Alba (Gaelg Albinagh)
Brattagh Armys
Jarroo-raa: In My Defens God Me Defend (Baarle Albinagh)
Arrane ashoonagh: Eigsoylagh, "Flower of Scotland" er y chooid smoo
Preeu-valley		Doon Edin 55°57′ Hwoaie 3°12′ Heear
Balley smoo		Glaschu
Çhengey oikoil		Baarle Baarle Albinagh Gaelg ny h-Albey Çhengey Chowree Ghoaldagh
Reiltys		Çhionnal parlamaidagh jee-veanit çheusthie jeh monarkaght pharlamaidagh vunraghtoil
-	Monark	Çhalse III
-	Kied Hirveishagh	John Swinney
-	Ard-vinishter	Keir Starmer
Quaiyl		Parlamaid ny Albey
Crooaght
-	Bunnit	9oo eash (843 dy tradishoonagh)
-	Conaant Ghoon Edin–Northampton	17 Mayrnt 1328
-	Conaant Bearaig	3 Jerrey Fouyir 1357[1]
-	Co-unnaneyssey rish Sostyn	1 Boaldyn 1707
-	Jee-veanaghey	19 Sauin 1998
Eaghtyr
-	Yn clane	78,772 km²  30,414 mi ker
-	Ushtey (%)	1.9
Earroo yn phobble
-	Ooley 2007	5,144,200
-	Coontey-pobble	5,404,700
-	Glooaght	65/km²  168.2/mi ker
LTS (ennymagh)		Ooley 2023
-	Yn clane	£218.0 billoon
-	Yn dooinney	£39,707[2][a]
ALD (2022)		0.933[3] (feer ard)
Argid		punt Sostynagh (£) (GBP)
Traa ynnydagh		GMT (UTC+0)
-	Souree (TTLS)	BST (UTC+1)
Coad eddyr-voggyl		.scot[b]
Coad çhellvane		+44
Ard noo		Noo Andreas

Ta Doon Edin, y preeu-valley as y nah valley smoo, nane jeh ny 20 ynnydyn ardgidoil smoo 'syn Oarpey. V'eh ny chree er Soilsheraght ny h-Albey 'syn 18-oo eash, as myr eiyrtys, haink Nalbin dy ve nane jeh ny çheeraghyn smoo scanshoil ry hoi traght, inçhinaght as çhynskal. She Glaschu yn balley smoo ayns Nalbin.

Va Reeriaght ny h-Albey ny steat seyr derrey 1 Boaldyn 1707 tra ren y reiltys co-unnaneys politickoil lesh Reeriaght Hostyn. V'eh shen crooaght y Reeriaght Unnaneysit. Myrane lesh Bretin, she çheer Cheltiagh ish, as ta Gaelg ny h-Albey - çhengey gollrish Gaelg Vanninagh - foast ec mynlagh beg jeh'n phobble eck.

Noteyn

1. Ta ny h-earrooyn currit magh lesh Reiltys ny h-Albey goaill stiagh y çheet-stiagh ooill as gas t'er ny ghientyn çheu hoal jeh ushtaghyn thallooinagh yn RU ayns ard ymmyr vooarheeragh ny çheerey.
2. Cha nee ccTLD eh .scot, agh GeoTLD, ta foshlit dauesyn as kiangley oc rish Nalbin ny cultoor ny h-Albey. Ta .uk, gollrish y chooid elley jeh'n Reeriaght Unnaneysit, ymmydit chammah. She GB yn coad lesh ISO 3166-1, agh cha nel .gb ymmydit.