Naaroo
From Wikipedia, the free encyclopedia
Remove ads
Ta Naaroo ny Nauru (ennym oikoil: Pobblaght Naaroo; Naarooish: Repubrikin Naoero, Baarle: Republic of Nauru) ny steat as ny h-ellan ayns y Cheayn Sheealtagh Yiass. She Banaba ayns Pobblaght ny Kiribati yn ellan s'niessey, as ee soit 300 km jeeragh shiar jee. Ta Naaroo ny h-ashoon ellanagh sloo as ny pobblaght sloo er y theihll as ish 21 km² er eaghtyr. Cha nel preeu-valley oikoil ec yn ellan,[2] agh ta'n chooid smoo jeh ronnaghyn y steat soit ayns Yaren.
V'ad ny Mynneeysee as ny Polaneeshee ny kied deiney er yn ellan, agh ec jerrey yn 19oo eash va'n ellan currit stiagh myr coloin y Ghermaan. Erreish da'n Chied Chaggey Dowanagh va'n ellan er jeet stiagh myr thalloo treishtit fo stiurey yn Austrail, y Teelynn Noa as y Reeriaght Unnaneysit. Va'n ellan fo cummaltys ny Shapaanee car y Nah Chaggey Dowanagh, as lurg y chaggey v'ee er jeet stiagh ayns treishteilaght reesht. Hooar Naaroo e neuchrogheydys 'sy vlein 1968.
Ta Naaroo ny h-ellan fosfaid creggey, as v'eh assphurtal fosfaid preeu-harmaynys yn ellan veih 1907.[3] Lesh folmaghey fosfaidyn as y jeeyl va jeant da'n çhymmyltaght myr eiyrtys, chass reiltys Naaroo gys towshanyn anoayshagh son çheet stiagh dy gheddyn. Ayns ny 1990yn va Naaroo ny kemmyrk keesh as ynnyd nie argid. Veih 2001, hooar eh cour argidoil veih reiltys yn Austrail; myr coonrey, va ynnyd kemmyrk soit ayns Naaroo derrey 2008 da kemmyrkee as ad er n'gholl gys yn Austrail.[4]
Remove ads
Slystyn
Ta Naaroo rheynnit ayns kiare slyst reiragh jeig as t'ad possanit ayns hoght rheynnyn-reihys. T'ad ny slystyn na:
Imraaghyn
Wikiwand - on
Seamless Wikipedia browsing. On steroids.
Remove ads