Yn Austeyr

She pobblaght chonastagh as çheer hallooinit 'syn Oarpey Veanagh ee yn Austeyr (Germaanish: Österreich [ˈøːstɐˌʁaɪç]), ny Pobblaght yn Austeyr (Germaanish: Republik Österreich). T'ee çhemmal rish y Phobblaght Çheck as y Ghermaan 'sy twoaie, rish yn Ungaar as y Clovack 'sy niar, rish y Clovean as yn Iddaal 'sy jiass, as rish yn Elveeish as Liechtenstein 'sy neear. Ta'n Austeyr 83,879 km² (32,386 mi ker) er eaghtyr as 'sy vlein 2015 va ny smoo na 8.66 millioon dooinney cummal ayn. She çheer leitagh t'ayn, as y chooid smoo jeh'n çheer ny lhie çheusthie jeh ny Beinnyn Alpagh; cha nel agh 32% jeh'n çheer ny lhie ny s'inshley na 500 m (1,640 tr). She Großglockner, 3,798 m (12,461 tr) er yrjid, y poynt s'yrjey ayn. She Veen preeu-valley yn çheer as ish ny caayr smoo 'sy çheer chammah. Ta mooinjer y çheer loayrt abbyrtyn ynnydagh y Ghermaanish myr çhengey ny mayrey, as she Germaanish y çhengey oikoil. Ta staydys oikoil ynnydagh ec yn Ungaarish, Croitish Burgenland as y Cloveanish chammah.

Pobblaght yn Austeyr Republik Österreich (Germaanish)
Brattagh Armys
Arrane ashoonagh: "Bundeshymne der Republik Österreich" "Arrane Ashoonagh Phobblaght yn Austeyr"
Preeu-valley (as y balley smoo)		Veen 48°12′ Hwoaie 16°21′ Hiar
Çhengey oikoil		Germaanish
Çhengaghyn ardjynagh er enney		Croitish Burgenland Sloveanish Ungaarish
Çhengey ashoonagh		Germaanish Austeyragh
Reiltys		Pobblaght lieh-eaghtyraneagh chonastagh
-	Eaghtyrane	Alexander Van der Bellen
-	Shansyleyr	Christian Stocker
Seyrsnys
-	Conaant Steat yn Austeyr	27 Jerrey Souree 1955
Entreilys gys yn UO		1 Jerrey Geuree 1995
Eaghtyr
-	Yn clane	83,883 km² (115oo) 32,385 mi ker
-	Ushtey (%)	1.7
Earroo yn phobble
-	Ooley 2023	9,104,772 (93oo)
-	Coontey-pobble	8,979,894[1]
-	Glooaght	109/km² (106oo) 280/mi ker
LTS (CCK)		Ooley 2006
-	Yn clane	$279.5 billioon (34oo)
-	Yn dooinney	$36,000 (8oo)
LTS (ennymagh)		Ooley 2007
-	Yn clane	$373.07 billioon (2-oo)
-	Yn dooinney	$45,181 (12h)
Gini (2000)		29.1 (injil)
ALD (2005)		▲ 0.948 (ard) (15oo)
Argid		euro (€)1 (EUR)
Traa ynnydagh		CET (UTC+1)
-	Souree (TTLS)	CEST (UTC+2)
Coad eddyr-voggyl		.at2
Coad çhellvane		+43
1	Roish 1999: Schilling yn Austeyr
2	Ta .eu ymmydit myrane lesh çheeraghyn elley yn Unnaneys Oarpagh.