Yn Rank

Ta'n Rank (Frangish: La France, Fockley magh ayns Frangish : [fʁɑ̃s]), ny Pobblaght y Rank dy h-oikoil (Frangish: République française, focklit magh myr: [ʁepyblik fʁɑ̃sɛz]), ny çheer ta soit 'syn Oarpey Heear, lesh shiartanse dy chroghaneyn as thallooyn harrish mooir as ad nyn soie er mooar-rheynnyn elley.^[c] Ta'n Rank Vooarheeragh sheeyney veih'n Veanvooir dys Mooir yn Eeaght as Mooir Hostyn, as veih'n Rhine dys y Cheayn Sheear. Ta'n ennym L’Hexagone ("Y Shey-Lhiattaghan") currit urree dy mennick er oyr cummey towse-oaylleeagh y thalloo eck. Ta'n Rank ny pobblaght lieh-eaghtyraneagh unnaneagh as ny preeu ard-smooinaghtyn focklit magh ayns Fogrey ry hoi Cairyn Sheelnaue as y Teyraanagh.

Pobblaght y Rank République française (Frangish)
Brattagh Cowrey ashoonagh
Jarroo-raa: "Liberté, égalité, fraternité" "Seyrsnys, co-chormid, co-vraaraghys"
Arrane ashoonagh: "La Marseillaise"
Preeu-valley (as y balley smoo)		Paarys 48°52′ Hwoaie 2°19.59′ Hiar
Çhengey oikoil		Frangish
Reiltys		Pobblaght lieh-eaghtyraneagh unnaneagh
-	Eaghtyrane	Emmanuel Macron
-	Ard-vinishter	François Bayrou
Bunneeaght
-	Reeriaght ny Frankee Heear – Conaant Verdun	10 Luanistyn 843
-	Pobblaght y Rank – Kied Phobblaght y Rank	22 Mean Fouyir 1792
-	Bunraght roie – Queiggoo Pobblaght y Rank	4 Jerrey Fouyir 1958
Entreilys gys yn UO		25 Mayrnt 1957
Eaghtyr
-	Yn clane	632,702.3 km² (47oo) 244,287.7[a] mi ker
Earroo yn phobble
-	Ooley 2009	62,448,977[1] (22h)
-	Coontey-pobble	68,373,433[2]
-	Glooaght	115/km² (89oo) 297/mi ker
LTS (CCK)		Ooley 2008
-	Yn clane	$2.130 trillioon[3] (8oo)
-	Yn dooinney	$34,205[3] (18oo)
LTS (ennymagh)		Ooley 2009
-	Yn clane	$2.867 trillioon[3] (5oo)
-	Yn dooinney	$46,037[3] (16oo)
Gini (2002)		26.7
ALD (2007)		▲ 0.961[4] (feer ard) (8oo)
Argid		euro (€)[b] (EUR)
Traa ynnydagh		CET (UTC+1)
-	Souree (TTLS)	CEST (UTC+2)
Coad eddyr-voggyl		.fr
Coad çhellvane		+33

Ta'n Rank Vooarheeragh çhemmit (lesh y chlag veih'n twoaie) liorish y Velg, Lucsemburg, y Ghermaan, yn Elveeish, yn Iddaal, Monaco, Andorra, as y Spaainey. Ta joaraghyn thallooin ec rheynnyn as co-chadjinyssyn harrish mooir y Rank myrgeddin. Ta Geeaaney Rangagh ayns America Yiass çhemmit liorish y Vrasseel da'n shiar as y jiass, as liorish y Toorinam da'n sheear. Ta Co-chadjinys Noo Martyn çhemmit rish Sint Maarten 'sy Vooir Charibagh chammah. Ta'n Rank kianglt rish y Reeriaght Unnaneysit liorish Thiollane Vooir Eeaght, as eh goll fo Mooir yn Eeaght.

Ta'n Rank ny çheer smoo 'syn Unnaneys Oarpagh er eaghtyr. Va'n Rank ny pooar mooar feie ram eashyn lesh cleayney tarmaynagh, cultooragh, cahnagh as politickagh niartal eck. Car y 17-oo as y 18-oo eash, ren y Rank coloinagh er ayrnyn mooarey jeh America Hwoaie; car y 19-oo as y 20-oo eash, va'n nah impiraght smoo jeh'n traa eck er ny hroggal ec y Rank, as ee goaill stiagh ayrnyn mooarey jeh'n Affrick Hwoaie, Heear as Veanagh, yn Aishey Hiar Yiass, as ram ellanyn y Cheayn Sheealtagh.

Ta'n Rank ny çheer lhiasit as ta'n queigoo harmaynys smoo 'sy theihll eck rere LTS ennymagh^[5] Ta'n Rank ny bun-oltey jeh'n Unnaneys Oarpagh as ny h-Ashoonyn Unnaneysit as t'ee ny h-holtey jeh'n Francophonie y G8, yn RCAH, yn RCTL, yn RTT as yn Unnaneys Ladjynagh. T'ee ny h-oltey beayn jeh Coonseil Hickyrys ny h-Ashoonyn Unnaneysit.

Noteyn

1. Goaill stiagh y Rank vooarheeragh as y Rank Harrish Mooir agh goaill magh Terre Adélie.
2. Va'n franc ymmydit 'sy Rank roish çheet-stiagh yn euro 'sy vlein 1999.
3. Son tooilley oayllys, jeeagh-shiu er Ronney:Yn Rank Harrish Mooir.