Dietrich Šołta
serbski literarny wědomostnik; direktor Serbskeho instituta / From Wikipedia, the free encyclopedia
Dietrich Šołta (němsce Dietrich Scholze; * 8. septembra 1950 w Budyšinje) je serbski literarny wědomostnik, kotryž bě wot 1992 do 2015 z nawodu Serbskeho instituta.
Po maturje w lěće 1969 studowaše na Berlinskej Humboldtowej uniwersiće slawistiku. Wot 1974 do 1991 bě ze sobudźěłaćerjom Centralneho instituta za literarne stawizny Akademije wědomosćow NDR w Berlinje a tam w lětomaj 1990/91 nawoda slawistiskeho wotrjada. 1980 promowowaše a 1988 so habilitěrowaše wo stawiznach pólskeje literatury a dźiwadła. W 1980tych lětach zaběraše so přiběrajcy tež ze serbskimi temami.
Wot septembra 1992 bě Šołta z direktorom nowozałoženeho Serbskeho instituta w Budyšinje a wot 1997 nimo toho z honorarnym profesorom při Instituće za sorabistiku w Lipsku.
W serbskim towaršnostnym žiwjenju skutkowaše mjez druhim jako čłon předsydstwa Zwjazka serbskich wuměłcow a w předsydstwje Maćicy Serbskeje kaž tež jako šefredaktor wědomostneho časopisa Lětopis.